ಲಂಡನ್ (ಪಿಟಿಐ): ಇನ್ಫೊಸಿಸ್ ಸಹ ಸಂಸ್ಥಾಪಕ ನಾರಾಯಣ ಮೂರ್ತಿ ಅವರ ಅಳಿಯ ರಿಶಿ ಸುನಕ್ (37) ಅವರು ಬ್ರಿಟನ್ ಸಚಿವ
ಸಂಪುಟಕ್ಕೆ ಹೊಸದಾಗಿ ಸೇರ್ಪಡೆ ಯಾಗಿದ್ದಾರೆ.
ಪ್ರಧಾನಿ ತೆರೆಸಾ ಮೇ ಅವರು ಇತ್ತೀಚೆಗೆ ಸಂಪುಟವನ್ನು ಪುನರ್‌ರಚಿಸಿದ್ದಾರೆ. ಆ ವೇಳೆ ಸಂಪುಟಕ್ಕೆ ಸೇರಿದ ಮೂವರು ಸಂಸದರಲ್ಲಿ ರಿಶಿ (37) ಅವರೂ ಒಬ್ಬರು. ರಿಚ್‌ಮಂಡ್‌ ಕ್ಷೇತ್ರದಿಂದ (ಯಾರ್ಕ್‌ಶೈರ್) ಕನ್ಸರ್ವೇಟಿವ್ ಪಕ್ಷದ ಸಂಸದರಾಗಿ ಅವರು ಆಯ್ಕೆಯಾಗಿದ್ದಾರೆ.
ವಸತಿ, ಸಮುದಾಯಗಳು ಮತ್ತು ಸ್ಥಳೀಯ ಆಡಳಿತ ಸಚಿವಾಲಯದ ಸಂಸದೀಯ ಕಾರ್ಯದರ್ಶಿಯಾಗಿ ಅವರನ್ನು ನೇಮಿಸಲಾಗಿದೆ.
