ನವದೆಹಲಿ (ಪಿಟಿಐ): ಹಾಸ್ಟೆಲ್ಗಳಲ್ಲಿ ಮೆಸ್ ಅಥವಾ ಕ್ಯಾಂಟೀನ್ ಸೇವೆ ನೀಡುವುದಕ್ಕೂ ಶೇ 5 ರಷ್ಟು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಕಟ್ಟಬೇಕು ಎಂದು ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ.
ಶಿಕ್ಷಣ ಸಂಸ್ಥೆಗಳಾಗಲಿ ಅಥವಾ ಹೊರಗುತ್ತಿಗೆ ಮೂಲಕವೇ ಆಗಲಿ ಮೆಸ್ ಸೌಲಭ್ಯ ನೀಡುವುದಕ್ಕೆ ಈ ಪ್ರಮಾಣದ ತೆರಿಗೆ ಕಡ್ಡಾಯವಾಗಿದೆ. ಇದಕ್ಕೆ ಯಾವುದೇ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಇರುವುದಿಲ್ಲ .
ಕಾಲೇಜ್ ಹಾಸ್ಟೆಲ್ಗಳು ಮೆಸ್ ಸೇವೆ ಒದಗಿಸುವುದಕ್ಕೆ ಜಿಎಸ್ಟಿಯಲ್ಲಿ ಯಾವ ಪ್ರಮಾಣದ ತೆರಿಗೆ ಕಟ್ಟಬೇಕು ಎನ್ನುವ ಪ್ರಶ್ನೆಗೆ ಕೇಂದ್ರೀಯ ಎಕ್ಸೈಸ್ ಮತ್ತು ಕಸ್ಟಮ್ಸ್ ಮಂಡಳಿ (ಸಿಬಿಇಸಿ) ಈ ಸ್ಪಷ್ಟನೆ ನೀಡಿದೆ.
ಜಿಎಸ್ಟಿಯಲ್ಲಿ ನಾಲ್ಕು ಹಂತದ (ಶೇ 5, ಶೇ 12, ಶೇ 18 ಮತ್ತು ಶೇ 28) ತೆರಿಗೆ ವ್ಯಾಪ್ತಿಯೊಳಗೆ ವಿವಿಧ ಸರಕುಗಳನ್ನು ಸೇರಿಸಲಾಗಿದೆ.