‘ಹಲಸೂರು ಕೆರೆ ರಸ್ತೆಯ ಬಳಿ ಪಾದಚಾರಿ ಮಾರ್ಗದಲ್ಲಿ ಫ್ಲೆಕ್ಸ್ ಹಾಕಿದ್ದಾರೆ. ನಾವೆಲ್ಲ ಎಲ್ಲಿ ಓಡಾಡಬೇಕು, ಪಾದಚಾರಿ ಮಾರ್ಗ ಇರುವುದಾದರೂ ಯಾತಕ್ಕೆ, ಹಿರಿಯ ನಾಗರಿಕರು ಏನು ಮಾಡಬೇಕು, ಎಲ್ಲೆಂದರಲ್ಲಿ ಫ್ಲೆಕ್ಸ್ ಹಾಕಲು ಇವರಿಗೆ ಅನುಮತಿ ಕೊಟ್ಟವರು ಯಾರು, ಗೋಡೆ ಮೇಲೂ ಮನಬಂದದ್ದನ್ನು ಅಂಟಿಸಿರುತ್ತಾರೆ. ಕೆಲವೊಮ್ಮೆ ಉದ್ಯೋಗ, ಜಾಹೀರಾತಿಗೆ ಸಂಬಂಧಿಸಿದ ಮಾಹಿತಿ ಇರುತ್ತವೆ. ಅವುಗಳ ಮೇಲೆಯೇ ಯಾರಿಗೋ ಶುಭಾಶಯ ಕೋರಿ ಪೋಸ್ಟರ್ ಅಂಟಿಸಿರುತ್ತಾರೆ’ ಎಂದು ಬೇಸರ ವ್ಯಕ್ತಪಡಿಸುತ್ತಾರೆ ಸ್ಥಳೀಯ ನಿವಾಸಿ ಉಷಾ.