ನವದೆಹಲಿ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ) ನಿರ್ಮಿಸಿದ 100ನೇ ಉಪಗ್ರಹ ಉಡಾವಣೆ ಶುಕ್ರವಾರ ಯಶಸ್ವಿಯಾದ ಬೆನ್ನಲ್ಲೇ ಇಸ್ರೋ ಸಾಧನೆಗೆ ಪ್ರಧಾನಿ ನರೇಂದ್ರ ಮೋದಿ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.
ಪಿಎಸ್‌ಎಲ್‌ವಿ ಸಿ40 ಯಶಸ್ವಿ ಉಡಾವಣೆ ನಡೆಸಿರುವ ಇಸ್ರೋ ಹಾಗೂ ವಿಜ್ಞಾನಿಗಳಿಗೆ ಹೃತ್ಪೂರ್ವಕ ಅಭಿನಂದನೆಗಳು ಎಂದು ಮೋದಿ ಟ್ವೀಟ್‌ ಮಾಡಿದ್ದಾರೆ.
ಹೊಸ ವರ್ಷದ ಈ ಯಶಸ್ಸು ನಮ್ಮ ನಾಗರಿಕರು, ರೈತರು, ಮೀನುಗಾರರು ಸೇರಿದಂತೆ ಮತ್ತಿತರರಿಗೆ ಬಾಹ್ಯಾಕಾಶ ತಂತ್ರಜ್ಞಾನ ದೇಶದ ತ್ವರಿತ ಅಭಿವೃದ್ಧಿಗೆ ಪ್ರಯೋಜನವಾಗಲಿದೆ ಎಂದು ಅವರು ಹೇಳಿದ್ದಾರೆ.
100ನೇ ಉಪಗ್ರಹದ ಉಡಾವಣೆ ಇಸ್ರೋದ ಅದ್ಭುತ ಸಾಧನೆಗೆ ಸಾಕ್ಷಿ ಮತ್ತು ಭಾರತದ ಬಾಹ್ಯಾಕಾಶ ಕಾರ್ಯಕ್ರಮಗಳಿಗೆ ಪ್ರಕಾಶಮಾನವಾದ ಭವಿಷ್ಯ ರೂಪಿಸಿದೆ ಎಂದಿದ್ದಾರೆ.
ಇಂದು ಉಡಾವಣೆಯಾದ 31 ಉಪಗ್ರಹಗಳಲ್ಲಿ, 28 ಇತರ ದೇಶಗಳ ಉಪಗ್ರಹಗಳು ಇವೆ. ಭಾರತದ ಯಶಸ್ಸಿನ ಪ್ರಯೋಜನಗಳು ನಮ್ಮ ಪಾಲುದಾರರಿಗೆ ಲಭ್ಯವಿದೆ! ಎಂದು ಅವರು ಮತ್ತೊಂದು ಟ್ವೀಟ್‌ ಮಾಡಿದ್ದಾರೆ.
My heartiest congratulations to @isro and its scientists on the successful launch of PSLV today. This success in the New Year will bring benefits of the country's rapid strides in space technology to our citizens, farmers, fishermen etc.
