ಹೊಸದುರ್ಗ: ರಾಜ್ಯ ಹೆದ್ದಾರಿಗಿಲ್ಲ ದುರಸ್ತಿ ಭಾಗ್ಯ !

ಈ ಮಾರ್ಗವಾಗಿ ಚಿತ್ರದುರ್ಗ, ದಾವಣಗೆರೆ, ಶಿವಮೊಗ್ಗ, ಚನ್ನಗಿರಿ, ಹೊನ್ನಾಳಿ ಮಾರ್ಗವಾಗಿ ಸಂಚರಿಸುವ ಬಸ್ಸುಗಳು ನಿತ್ಯವೂ ನೂರಾರು ಸಂಚರಿಸುತ್ತವೆ. ಬಸ್ಸಿನಲ್ಲಿ ಸಂಚರಿಸುವ ವೃದ್ಧರು, ಗರ್ಭಿಣಿಯರು, ಬಾಣಂತಿಯರು ರಸ್ತೆ ಅಭಿವೃದ್ಧಿ ಪ್ರಾಧಿಕಾರಕ್ಕೆ ಹಿಡಿಶಾಪ ಹಾಕುತ್ತಿದ್ದಾರೆ. ಇನ್ನೂ ನಿತ್ಯವೂ ಸಾವಿರಾರು ಲಾರಿ, ಟ್ರ್ಯಾಕ್ಟರ್‌, ಕಾರು, ಜೀಪು, ಶಾಲಾ ವಾಹನಗಳು ಸಂಚರಿಸುತ್ತವೆ. ದೊಡ್ಡ ವಾಹನಗಳು ಸಂಚರಿಸುತ್ತಿದಂತೆ ಸಾಕಷ್ಟು ದೂಳು ಹೊರಹೊಮ್ಮುತ್ತಿದೆ ಎನ್ನುತ್ತಾರೆ ವಕೀಲ ಯುವರಾಜು.

ವಾಹನದ ಹಿಂಬದಿ ಹಾಗೂ ಮುಂದಿನಿಂದ ಬರುವ ದ್ವಿಚಕ್ರ ವಾಹನ ಸವಾರರಿಗೆ ರಸ್ತೆ ಕಾಣುವುದಿಲ್ಲ. ಅಷ್ಟೊಂದು ದೂಳು ಬರುತ್ತದೆ. ಬಿಳಿ ಬಟ್ಟೆ ಹಾಕಿಕೊಂಡು ಬಂದರೆ ಬಟ್ಟೆಯಲ್ಲಾ ದೂಳು ಮಯವಾಗುತ್ತದೆ. ರಾತ್ರಿ ಹೊತ್ತಿನಲ್ಲಿ ವೇಗವಾಗಿ ಬಂದ ಬೈಕ್‌ ಸವಾರರು ಹಾಳಾಗಿರುವ ರಸ್ತೆಯಲ್ಲಿ ಬಿದ್ದು ಹಲವು ಗಾಯಗೊಂಡಿದ್ದಾರೆ.

ದೊಡ್ಡ ಅಪಾಯ ಸಂಭವಿಸುವ ಮೊದಲು ಸಂಬಂಧಪಟ್ಟ ಅಧಿಕಾರಿಗಳು ಈ ಬಗ್ಗೆ ಕಾಳಜಿ ರಸ್ತೆ ದುರಸ್ತಿ ಮಾಡಿಸಿ ವಾಹನ ಸವಾರರ ಹಿತ ಕಾಪಾಡಬೇಕು ಎಂಬುದು ನಾಗರಿಕರ ಮನವಿ.