ಎಂ.ಬಿ.ಎ ಪದವಿ ಮುಗಿಸಿ, ಸಂಗೀತದಲ್ಲಿ ಪಿ.ಎಚ್ಡಿ ಮಾಡಿದ್ದಾರೆ ಅಂಬಿ. ‘ಸಂಗೀತಕ್ಕೆ ತಂದೆ– ತಾಯಿ ಸಹಕಾರ ಮುಂಚಿನಿಂದಲೂ ಇತ್ತು, ಆದರೆ ಅದರ ಜೊತೆಗೂ ಓದಿಗೂ ಪ್ರಾಮುಖ್ಯ ನೀಡಿದ್ದರು. ನನ್ನ ಸಹೋದರಿ ಕೂಡ ಸಂಗೀತದಲ್ಲಿ ಭವಿಷ್ಯ ಕಟ್ಟಿಕೊಂಡವರು. ನಾನು ಈಗ ಇರುವುದರಲ್ಲೇ ಸಂತೋಷವಾಗಿದ್ದೇನೆ, ಹಾಗಾಗಿ ಹೊಸತೊಂದು ಯೋಜನೆಯ ಬಗ್ಗೆ ಯೋಚಿಸುವುದಿಲ್ಲ’ ಎಂದು ನೆಮ್ಮದಿಯ ಮಾತುಗಳನ್ನು ಆಡುತ್ತಾರೆ. ಸಾಪಾ (ಸುಬ್ರಹ್ಮಣಿಂ ಅಕಾಡೆಮಿ ಆಫ್ ಪರ್ಫಾಮಿಂಗ್ ಆರ್ಟ್) ಎನ್ನುವ ಸಂಗೀತ ಶಾಲೆಗೆ ಇವರು ಸಹ ನಿರ್ದೇಶಕರಾಗಿದ್ದಾರೆ. ‘ಸಾಪಾ’ ಮೂಲಕ ಶಾಲಾ ಮಕ್ಕಳಿಗೆ ಸಂಗೀತವನ್ನು ಕಲಿಸುವ ಕಾಯಕದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈವರೆಗೆ ಸುಮಾರು 20,000 ಮಕ್ಕಳಿಗೆ ಸಂಗೀತಭ್ಯಾಸ ಮಾಡಿಸಿದ್ದಾರೆ.