ಅಜ್ಞಾನದ ಪ್ರದರ್ಶನ!

ಯಾರಾದರೂ ವೈಜ್ಞಾನಿಕವಾಗಿ, ವೈಚಾರಿಕವಾಗಿ ಆಲೋಚಿಸಿ ಮಾತನಾಡಿದರೆ ಸಾಕು, ಅಂಥವರ ಬಗ್ಗೆ ‘ಸ್ವಯಂಘೋಷಿತ ಬುದ್ಧಿಜೀವಿ, ಸೋಗಲಾಡಿ ಬುದ್ಧಿಜೀವಿ’ ಎಂದು ವ್ಯಂಗ್ಯವಾಡುವುದು ಇತ್ತೀಚಿಗೆ ಬೆಳೆದ ಅಪಾಯಕಾರಿ ಬೆಳವಣಿಗೆಯಾಗಿದೆ.

ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ಹತ್ತಿಕ್ಕುವ ಇಂಥದ್ದೇ ಘಟನೆ ಅಂಬೇಡ್ಕರ್ ಅವರಿಗೂ ಎದುರಾಗಿತ್ತು. ಅಂಬೇಡ್ಕರ್ ಅವರು ‘ಮಹಾಡ್’ ಕೆರೆಯ ನೀರನ್ನು ಬಳಸಿದ ನಂತರ, ಜಾತಿವಾದಿ ಜನರು ಆ ಕೆರೆಯ ನೀರನ್ನು ಹಸುವಿನ ಸಗಣಿ ಮತ್ತು ಗಂಜಲದಿಂದ ಶುಚಿಗೊಳಿಸಿದ್ದರು.

ಸೋಮವಾರ ಶಿರಸಿಯಲ್ಲಿ ನಡೆದ ‘ಶುದ್ಧೀಕರಣ’ ಘಟನೆ, ಆ ಜನರ ಅಜ್ಞಾನವನ್ನು ಪ್ರದರ್ಶಿಸುವಂತಿದೆ. ಮೇಲಾಗಿ ಸಂವಿಧಾನವನ್ನೇ ಅತಂತ್ರಗೊಳಿಸುವ ಹುನ್ನಾರ ನಡೆದಿದೆ ಎಂಬ ಅನುಮಾನ ಮೂಡುತ್ತಿದೆ.

ಶಿವರಂಜನ್ ಸತ್ಯಂಪೇಟೆ, ಕಲಬುರ್ಗಿ