ಕಾನ್‌ಸ್ಟೆಬಲ್ ಕಿರುಕುಳ; ಆಟೊ ಚಾಲಕ ಆತ್ಮಹತ್ಯೆ

ರಾಮು ಅವರ ಸಂಬಂಧಿಕರು ಮತ್ತು ನಾಗರಿಕರು ನ್ಯಾಯ ಕೊಡಿಸಬೇಕು ಮತ್ತು ಸಾವಿಗೆ ಕಾರಣರಾಗಿರುವ ಕಾನ್‌ಸ್ಟೆಬಲ್ ಅವರನ್ನು ಅಮಾನತು ಮಾಡಬೇಕು ಎಂದು ಒತ್ತಾಯಿಸಿ ಮಂಗಳವಾರ ಪೊಲೀಸ್ ಠಾಣೆ ಎದುರು ಪ್ರತಿಭಟನೆ ನಡೆಸಿದರು.

‘ರಾಮು, ಮೂವರೊಂದಿಗೆ ಬೈಕ್‌ನಲ್ಲಿ ಹೋಗುತ್ತಿದ್ದ. ಇವರನ್ನು ತಡೆದ ಕಾನ್‌ಸ್ಟೆಬಲ್‌ ಮಲ್ಲಿಕಾರ್ಜುನ ಭಾಸಗಿ ಮನಬಂದಂತೆ ಥಳಿಸಿದ್ದರು. ₹25 ಸಾವಿರ ದಂಡ ಪಾವತಿಸುವಂತೆ ಕಿರುಕುಳ ನೀಡಿದ್ದರು. ಇದರಿಂದ ಭಯಭೀತನಾದ ಮಗ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ’ ಎಂದು ಮೃತ ರಾಮು ಅವರ ತಾಯಿ ವಿಜಯಲಕ್ಷ್ಮಿ ತಳವಾರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಅಮಾನತು: ಕಾನ್‌ಸ್ಟೆಬಲ್‌ ಮಲ್ಲಿಕಾರ್ಜುನ ಅವರನ್ನು ಜಿಲ್ಲಾ  ಪೊಲೀಸ್ ವರಿಷ್ಠಾಧಿಕಾರಿ ಎನ್.ಶಶಿಕುಮಾರ್ ಮಂಗಳವಾರ ಅಮಾನತು ಮಾಡಿದ್ದಾರೆ.