ಚೆನ್ನೈ: ನಟ ಕಮಲ್ ಹಾಸನ್ ಅವರು ತಮ್ಮ ಹೊಸ ಪಕ್ಷದ ಹೆಸರನ್ನು ಫೆ.21ರಂದು ಘೋಷಿಸುವುದಾಗಿ ಹೇಳಿದ್ದಾರೆ.
ಅದೇ ದಿನ ತಮ್ಮ ಹುಟ್ಟೂರಾದ ತಮಿಳುನಾಡಿನ ರಾಮನಾಥಪುರಂನಿಂದ ರಾಜ್ಯದಾದ್ಯಂತ ಪ್ರವಾಸ ಆರಂಭಿಸಲಿರುವ ಕಮಲ್ ಹಾಸನ್ ಅವರು ಮಧುರೈ, ದಿಂಡಿಗಲ್, ಶಿವಗಂಗೈಗೆ ಭೇಟಿ ನೀಡಲಿದ್ದಾರೆ.
ಈ ಬಗ್ಗೆ ಮಾತನಾಡಿದ ಕಮಲ್ ಹಾಸನ್ ಅವರು, ರಾಜ್ಯದಾದ್ಯಂತ ಪ್ರವಾಸ ಕೈಗೊಂಡು ಜನರ ಅವಶ್ಯಕತೆ ತಿಳಿದುಕೊಳ್ಳುವೆ. ಅವರ ಸಂಕಷ್ಟಗಳನ್ನು ತಿಳಿದುಕೊಳ್ಳುವೆ. ಜನರ ಆಸೆ–ಆಕಾಂಕ್ಷೆಗಳ ಬಗ್ಗೆ ಗಮನ ಹರಿಸುವೆ. ಈ ಪ್ರವಾಸವು ತಮಿಳುನಾಡು ರಾಜ್ಯದ ಜನರ ಅಗತ್ಯತೆಗಳನ್ನು ಅರಿಯಲು ಅನುಕೂಲವಾಗಲಿದೆಎಂದಿದ್ದಾರೆ.
ಅಲ್ಲದೇ ಇದೇ ವೇಳೆ ಹೊಸ ಪಕ್ಷದ ಹೆಸರು, ಆಶಯಗಳು, ಉದ್ದೇಶಗಳನ್ನು ಫೆ.21ರಂದು ಬಹಿರಂಗಪಡಿಸುವೆ ಎಂದು ಹೇಳಿದ್ದಾರೆ.
#TamilNadu Actor Kamal Hassan to begin a state-wide tour on Feburary 21 from his home town Ramanathapuram. He will also announce the name of his political party and its guiding principles at the commencement of the tour. (File Pic) pic.twitter.com/IHReSp3EGG
