ಅಸಾಂಜ್ ವಿರುದ್ಧ ಬಂಧನ ವಾರಂಟ್ ಫೆ.6ಕ್ಕೆ ನಿರ್ಧಾರ

2012ರಲ್ಲಿ,‌ ಸ್ವೀಡನ್‌ನಲ್ಲಿ ದಾಖಲಾಗಿದ್ದ ಅತ್ಯಾಚಾರ ಪ್ರಕರಣವೊಂದರಲ್ಲಿ ಜೂಲಿಯನ್‌ ಹೆಸರು ಕೇಳಿಬಂದಿತ್ತು. ಆಗಿನಿಂದಲೂ ಅವರು ಇಲ್ಲಿನ ಈಕ್ವೆಡಾರ್‌ನ ದೂತಾವಾಸದಲ್ಲಿ ಆಶ್ರಯ ಪಡೆದಿದ್ದಾರೆ. ವಿಚಾರಣೆ ನಂತರ ತನಿಖೆ ಕೈಬಿಡಲಾಗಿತ್ತು. ಆದರೆ  ದೂತಾವಾಸ ಕಚೇರಿಯನ್ನು ಬಿಟ್ಟುಹೋಗಬಾರದು ಎಂದು ಷರತ್ತು ವಿಧಿಸಲಾಗಿತ್ತು.

ಈ ಆದೇಶ ಇನ್ನೂ ಚಾಲ್ತಿಯಲ್ಲಿ ಇರುವ ಕಾರಣ, ದೂತಾವಾಸ ಕಚೇರಿ ಬಿಟ್ಟು ಹೋದರೆ ಬಂಧಿಸುವ ಸಾಧ್ಯತೆ ಇದೆ. ಆದ್ದರಿಂದ ಇದನ್ನು ಕೈಬಿಡಬೇಕು ಎಂದು ಅವರು ಕೋರ್ಟ್‌ ಮೊರೆ ಹೋಗಿದ್ದಾರೆ.

ಅಮೆರಿಕ ಸೇನೆಗೆ ಸಂಬಂಧಿಸಿದ ದಾಖಲೆಗಳನ್ನು 2010ರಲ್ಲಿ ವಿಕಿಲೀಕ್ಸ್ ಮೂಲಕ ಸೋರಿಕೆ ಮಾಡಿರುವ ಆರೋಪವೂ ಇವರ ಮೇಲಿರುವ ಕಾರಣ, ಕೋರ್ಟ್‌ ಯಾವ ರೀತಿಯ ಆದೇಶ ಹೊರಡಿಸುತ್ತದೆ ಎಂಬುದನ್ನು ಕಾದುನೋಡಬೇಕಿದೆ ಎಂದಿದ್ದಾರೆ ತಜ್ಞರು.