ಸುಂದರವಾಗಿ ಕಾಣಿಸುವುದು, ನೃತ್ಯ ಮಾಡುವುದಷ್ಟೇ ಅಲ್ಲ ಗೆಳತಿಯ ಪ್ರತಿ ಅವಶ್ಯಕತೆಗೂ ಸ್ಪಂದಿಸುತ್ತಿದ್ದುದು ಆಲಿಯಾರೇ. ವಧುವನ್ನು ಕರೆದುಕೊಂಡು ಬರುವುದು, ಅಡ್ಡಗಟ್ಟಿ ದುಡ್ಡು ಕೇಳುವುದು, ಗೆಳತಿಯೊಂದಿಗೆ ಫೋಟೊಶೂಟ್ಗೆ ನಿಲ್ಲುವುದು, ಗೆಳತಿಯ ಬೇಕು ಬೇಡಗಳಿಗೆ ಸ್ಪಂದಿಸುವುದು ಎಲ್ಲ ಜವಾಬ್ದಾರಿಯನ್ನೂ ತಾವೇ ನೋಡಿಕೊಂಡರು. ಸಿನಿಮಾದಲ್ಲಿ ಭೇಷ್ ಎನಿಸಿಕೊಳ್ಳುವಂತೆ ವಿವಾಹ ಮಹೋತ್ಸವದಲ್ಲಿಯೂ ಮದುಮಗಳ ಅತ್ಯುತ್ತಮ ಗೆಳತಿ ಎನ್ನಿಸಿಕೊಂಡು ಬೀಗಿದರು ಆಲಿಯಾ.