ತಾಲ್ಲೂಕು ಆಸ್ಪತ್ರೆಗೆ ಸೌಲಭ್ಯಗಳ ಕೊರತೆ

7

ತಾಲ್ಲೂಕು ಆಸ್ಪತ್ರೆಗೆ ಸೌಲಭ್ಯಗಳ ಕೊರತೆ

Published:
Updated:
ತಾಲ್ಲೂಕು ಆಸ್ಪತ್ರೆಗೆ ಸೌಲಭ್ಯಗಳ ಕೊರತೆ

ಯಳಂದೂರು: ಪಟ್ಟಣದಲ್ಲಿರುವ ತಾಲ್ಲೂಕು ಸರ್ಕಾರಿ ಆಸ್ಪತ್ರೆ ಮೂಲ ಸೌಕರ್ಯಗಳಿಂದ ವಂಚಿತವಾಗಿದ್ದು, ನೂರಾರು ರೋಗಿಗಳು ಚಿಕಿತ್ಸೆಗಾಗಿ ಪರದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಸದ್ಯ ಈ ಆಸ್ಪತ್ರೆಯಲ್ಲಿ 25 ಹಾಸಿಗೆಗೆ ಮಾತ್ರ ಅವಕಾಶ ಇದೆ.

ಆಸ್ಪತ್ರೆಯನ್ನು ಮೇಲ್ದರ್ಜೆಗೆ ಏರಿಸುವ ಉದ್ದೇಶದಿಂದ 2007ರಲ್ಲಿ 100 ಹಾಸಿಗೆಗಳ ಪ್ರಸ್ತಾವನೆ ಸಲ್ಲಿಸಲಾಗಿತ್ತು. ಆದರೂ ಸಂಬಂಧಿಸಿ ಇಲಾಖೆ ಹಾಗೂ ಜನ ಪ್ರತಿನಿಧಿಗಳು ನಿರ್ಲಕ್ಷ್ಯ ವಹಿಸಿದ್ದಾರೆ ಎಂಬುದು ಸಾರ್ವಜನಿಕರ ದೂರು. ಆಸ್ಪತ್ರೆಗೆ ಬರುವ ರೋಗಿಗಳಿಗೆ ಸರಿಯಾದ ಚಿಕಿತ್ಸೆ ನೀಡಲು ಸ್ಥಳದ ಅಭಾವವಿದೆ. ಪ್ರತ್ಯೇಕ ಹೆರಿಗೆ ಕೊಠಡಿಗಳ ಸಂಖ್ಯೆಯೂ ಕಡಿಮೆ ಇದೆ. ಕುಡಿಯುವ ನೀರಿನ ಸೌಲಭ್ಯವೂ ಇಲ್ಲ. ಶೌಚಾಲಯದ ನಿರ್ವಹಣೆ ಸಮರ್ಪಕವಾಗಿ ಇಲ್ಲದೆ ಇರುವುದರಿಂದ ಆಸ್ಪತ್ರೆಗೆ ಬಂದ ರೋಗಿಗಳು, ಸಾರ್ವಜನಿಕರು ಬಯಲನ್ನೇ ಅವಲಂಬಿಸಬೇಕದ ಅನಿವಾರ್ಯತೆಯೂ ಇದೆ.

ಆಸ್ಪತ್ರೆಯಲ್ಲಿರುವ ಮಂಚ, ಹಾಸಿಗೆಗಳು ಕಿತ್ತು ಹೋಗಿವೆ. ಸಿಬ್ಬಂದಿ ಕೊರತೆಯಿಂದ ಸ್ವಚ್ಛತೆಯ ಕೊರತೆ ಯೂ ಇದೆ. ಮಹಿಳೆಯರು, ಪುರುಷರ ಸಾಮಾನ್ಯ ವಾರ್ಡ್‌ಗಳಲ್ಲಿ ಸೊಳ್ಳೆ ಕಾಟ ವಿಪರೀತಾಗಿದೆ. ಕಟ್ಟಡದ ಗೋಡೆಗಳ ಸುಣ್ಣ ಬಣ್ಣ ಕಳೆಗುಂದಿದೆ. ಆಸ್ಪತ್ರೆಗೆ ಹೆಚ್ಚಿನ ಅನುದಾನ ನೀಡಿದ್ದರೂ, ರೋಗಿಗಳಿಗೆ ಸೂಕ್ತ ಚಿಕಿತ್ಸೆ ದೊರೆಯದೆ ಖಾಸಗಿ ಆಸ್ಪತ್ರೆಗಳ ಮೊರೆಹೋಗಬೇಕಾದ ಪರಿಸ್ಥಿತಿ ಬಂದಿದೆ ಎನ್ನುತ್ತಾರೆ ಕೆಸ್ತೂರಿನ ರವಿ ಮತ್ತು ನಾಗಣ್ಣ.

ಯಳಂದೂರಿನಲ್ಲಿ 100 ಹಾಸಿಗೆಗಳ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣ ಮಾಡಲು ಪ್ರಸ್ತುತ ಇರುವ ಆಸ್ಪತ್ರೆಯ ಹಿಂಭಾಗದಲ್ಲೇ ಸ್ಥಳಾವಕಾಶ ಲಭ್ಯವಿದೆ. ಜನೌಷಧ ಕೇಂದ್ರವನ್ನೂ ತೆರೆಯಬೇಕಿದೆ. ಅಪಘಾತದಂತಹ ಸಂದರ್ಭಗಳಲ್ಲಿ ನಿರ್ವಣೆಗೂ ಅವಕಾಶ ಕಲ್ಪಿಸುವಲ್ಲಿ ಆರೋಗ್ಯ ಸಚಿವ ಹಾಗೂ ಆರೋಗ್ಯ ಇಲಾಖೆ ಯೋಜನೆ ರೂಪಿಸಿ, ಆಸ್ಪತ್ರೆಯನ್ನು ಮೇಲ್ದರ್ಜೆಗೆ ಏರಿಸಬೇಕು ಎಂಬುದು ಪಟ್ಟಣದ ರಂಗಸ್ವಾಮಿ, ಚೆನ್ನರಾಜು, ಮಹಾದೇವಸ್ವಾಮಿ ಅವರ ಆಗ್ರಹ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry