ಹೈದರಾಬಾದ್‌: 600 ವರ್ಷಗಳ ಪುರಾತನ ₹3 ಕೋಟಿ ಮೌಲ್ಯದ ಮೂರು ವಿಗ್ರಹ ಪೊಲೀಸ್‌ ವಶಕ್ಕೆ

ಜ. 27ರಂದು ಕಾಮರೆಡ್ಡಿ ಪಟ್ಟಣದಲ್ಲಿರುವ ದೇಗುಲದಿಂದ ವಿಗ್ರಹಗಳನ್ನು ಕಳವು ಮಾಡಲಾಗಿತ್ತು.

ಹೈದರಾಬಾದ್ ಮತ್ತು ಕಾಮರೆಡ್ಡಿ ಪೊಲೀಸರು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದು, ಒಂದೇ ವಾರದಲ್ಲಿ ಆರೋಪಿಗಳನ್ನು ಪತ್ತೆ ಮಾಡಿದ್ದಾರೆ.

ವಿಗ್ರಹಗಳು ಸುಮಾರು ಆರು ನೂರು ವರ್ಷಗಳಷ್ಟು ಹಳೆಯವು. ಆರೋಪಿಗಳು ಈ ಮೊದಲು ದೇಗುಲಗಳಿಂದ ವಿಗ್ರಹ ಕಳವು ಮಾಡಿದ ಪ್ರಕರಣಗಳಲ್ಲಿ ಭಾಗಿಯಾಗಿದ್ದರು. ವಿಗ್ರಹ ಕಳವು ಮಾಡಿದ ಬಳಿಕ ಅವರು ಕರ್ನಾಟಕಕ್ಕೆ ಹೋಗುತ್ತಿದ್ದರು. ಬಳಿಕ, ಹೈದರಾಬಾದ್‌ಗೆ ಹಿಂದಿರುಗಿ ಮಾರಾಟ ಮಾಡುತ್ತಿದ್ದರು ಎಂದು ಹೈದರಾಬಾದ್ ಪೊಲೀಸ್‌ ಕಮಿಷನರ್‌ ವಿ.ವಿ. ಶ್ರೀನಿವಾಸ ರಾವ್‌ ತಿಳಿಸಿದ್ದಾರೆ.