ಜನಗಣತಿ: ಆರಂಭಕ್ಕೂ ಮುನ್ನವೇ ಟೀಕೆ

‘ನೀವು ಅಮೆರಿಕದ ನಾಗರಿಕರೇ’ ಎಂದು ಜನಗಣತಿ ನಡೆಸುವವರು ಪ್ರಶ್ನೆ ಕೇಳಿದಾಗ ಜನಾಂಗೀಯ ಅಲ್ಪಸಂಖ್ಯಾತರು ಮಾಹಿತಿ ನೀಡಲು ನಿರಾಕರಿಸಬಹುದು; ಆಗ ಜನಗಣತಿಯಿಂದ ಲಭ್ಯವಾದ ದತ್ತಾಂಶವು ನಿಖರತೆಯಿಂದ ದೂರವಾಗಬಹುದು’ ಎಂಬ ಅನುಮಾನ ಎದುರಾಗಿದೆ.

ಗಡಿಪಾರಾಗುವ ಬೆದರಿಕೆ ಎದುರಿಸುತ್ತಿರುವ ವಲಸಿಗ ಕುಟುಂಬವು ಸಮೀಕ್ಷೆಯಲ್ಲಿ ಪಾಲ್ಗೊಳ್ಳಲು ಹಿಂಜರಿಯಬಹುದು. ತಮ್ಮ ಮೇಲೆ ಕ್ರಮ ಕೈಗೊಳ್ಳಲು ಈ ಮಾಹಿತಿಯನ್ನು ಬಳಸಿಕೊಳ್ಳಬಹುದು ಎಂಬ ಆತಂಕ ಅವರಿಗಿದೆ ಎಂದು ಹೇಳಲಾಗಿದೆ.

‘ನಾಗರಿಕತ್ವದ ಮಾಹಿತಿಯು ಮತದಾನ ಹಕ್ಕು ಕಾಯ್ದೆ ಜಾರಿಗೆ ನೆರವಾಗುತ್ತದೆ. ಈ ಕಾಯ್ದೆಯು ಜನಾಂಗೀಯ ತಾರತಮ್ಯ ನಿವಾರಿಸುತ್ತದೆ. ಹೀಗಾಗಿ ಜನಗಣತಿಯಲ್ಲಿ ನಾಗರಿಕತ್ವದ ಮಾಹಿತಿಯನ್ನೂ ಸೇರಿಸಬೇಕು’ ಎಂದು ಕಾನೂನು ವಿಭಾಗವು ಜನಗಣತಿ ಬ್ಯೂರೊಕ್ಕೆ ಡಿಸೆಂಬರ್‌ನಲ್ಲಿ ಮನವಿ ಮಾಡಿತ್ತು.