‘ವಾಂಖೆಡೆ ಕ್ರೀಡಾಂಗಣದ ಕ್ರಿಕೆಟ್ ಸೆಂಟರ್ನಲ್ಲಿ ಇರುವ ಬಿಸಿಸಿಐ ಕಚೇರಿಯಲ್ಲಿ ಆಧುನಿಕ ಸೌಲಭ್ಯಗಳಿಲ್ಲ ಎಂದು ಕೆಲವರು ದೂರಿದ್ದಾರೆ. ಬೆಂಗಳೂರಿನ ಹೊರವಲಯದಲ್ಲಿ ಎನ್ಸಿಎ ನಿರ್ಮಾಣ ಮಾಡಲು ಸಿಕ್ಕಿರುವ 40 ಎಕರೆ ಜಾಗ, ವಿಮಾನ ನಿಲ್ದಾಣದ ಸಮೀಪವಿದ್ದು, ಅಲ್ಲೇ ಬಿಸಿಸಿಐ ಕೇಂದ್ರ ಕಚೇರಿಗಾಗಿ ಅತ್ಯಾಧುನಿಕ ಸೌಕರ್ಯ ಗಳನ್ನೊಳಗೊಂಡ ಕಟ್ಟಡ ನಿರ್ಮಿಸುವ ಚಿಂತನೆ ಇದೆ. ಉದ್ದೇಶಿತ ಕಟ್ಟದಲ್ಲೇ ಬಿಸಿಸಿಐ ಸಭೆಗಳನ್ನು ನಡೆಸಬಹುದು. ಇದರಿಂದ ಈಗ ಹೋಟೆಲ್ಗಳಲ್ಲಿ ಸಭೆ ನಡೆಸುವಾಗ ವ್ಯಯಿಸುವ ಲಕ್ಷಾಂತರ ಹಣ ಉಳಿತಾಯವಾಗಲಿದೆ. ಜೊತೆಗೆ ಕಚೇರಿಗೆ ಹೊಂದಿಕೊಂಡಂತೆ ವಾಣಿಜ್ಯ ಸಂಕೀರ್ಣ ನಿರ್ಮಿಸಿ ಬಾಡಿಗೆ ನೀಡಿದರೆ ಅದರಿಂದಲೂ ಆದಾಯ ಗಳಿಸಬಹುದು’ ಎಂದು ಖನ್ನಾ, ಪತ್ರದಲ್ಲಿ ತಿಳಿಸಿದ್ದಾರೆ.