‘ವಿಸ್ತಾರ’ ವಿಮಾನಯಾನ ಸಂಸ್ಥೆಯ, 152 ಪ್ರಯಾಣಿಕರಿದ್ದ ಯುಕೆ 997 ವಿಮಾನವು ಮುಂಬೈನಿಂದ ಭೋಪಾಲ್ಗೆ ತೆರಳುತ್ತಿತ್ತು. ಏರ್ ಇಂಡಿಯಾ ಸಂಸ್ಥೆಯ, 109 ಪ್ರಯಾಣಿಕರಿದ್ದ ಎಐ 631 ವಿಮಾನವು ದೆಹಲಿಯಿಂದ ಪುಣೆಗೆ ತೆರಳುತ್ತಿತ್ತು. ವಿಸ್ತಾರ ಸಂಸ್ಥೆಯ ವಿಮಾನವು100 ಅಡಿ ಅಂತರ ಮಾತ್ರ ಇರುವಂತೆ ಏರ್ ಇಂಡಿಯಾದ ವಿಮಾನವನ್ನು ಮುಖಾಮುಖಿಯಾಗಿದೆ. ಈ ಅಂತರ ಇನ್ನೂ ಕಡಿಮೆ ಆಗಿದ್ದರೆ ಭಾರಿ ಅಪಘಾತ ಆಗುವ ಸಾಧ್ಯತೆ ಇತ್ತು. ಎರಡೂ ವಿಮಾನಗಳು ಪರಸ್ಪರ ಸಮೀಪಿಸುತ್ತಿವೆ ಎಂಬ ಸ್ವಯಂಚಾಲಿತ ಎಚ್ಚರಿಕೆ ಸಂದೇಶದ ನಂತರ ಆಯಾ ವಿಮಾನಗಳ ಪೈಲಟ್ಗಳು ಅಪಘಾತ ತಪ್ಪಿಸಿದ್ದಾರೆ’ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.