ಮನಿಲಾ: ಪಿಲಿಪ್ಪೀನ್ಸ್ನ ಕಮ್ಯೂನಿಷ್ಟ್ ಪಂಗಡಗಳು ಮತ್ತು ಅವುಗಳ ಸಶಸ್ತ್ರ ಘಟಕಗಳನ್ನು ಭಯೋತ್ಪಾದಕ ಸಂಘಟನೆಗಳ ಪಟ್ಟಿಗೆ ಸೇರಿಸುವಂತೆ ಇಲ್ಲಿನ ನ್ಯಾಯಾಂಗ ಇಲಾಖೆ ಅಧಿಕಾರಿಗಳು ನ್ಯಾಯಾಲಯಕ್ಕೆ ಬುಧವಾರ ಅರ್ಜಿ ಸಲ್ಲಿಸಿದ್ದಾರೆ.
ನ್ಯಾಯಾಂಗ ಇಲಾಖೆಯ ಈ ನಡೆ ಸರ್ಕಾರ ಮತ್ತು ಬಂಡುಕೋರರ ಪಡೆಗಳ ಮಧ್ಯೆ ಸ್ಥಗಿತಗೊಂಡಿರುವ ಶಾಂತಿ ಮಾತುಕತೆಯ ಪುನರಾರಂಭಕ್ಕೆ ಹಿನ್ನಡೆ ಉಂಟುಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ.
ದೇಶದ ವಿವಿಧೆಡೆ ಬಂಡುಕೋರರು ನಡೆಸಿದ ಮಾರಣಾಂತಿಕ ದಾಳಿ ಮತ್ತು ಹಿಂಸಾಚಾರ ಪ್ರಕರಣಗಳನ್ನು ಅರ್ಜಿಯಲ್ಲಿ ಉಲ್ಲೇಖಿಸಿದೆ.