ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬಿಗ್‌ಬಾಸ್ ಸೆಟ್ ಬೆಂಕಿಗೆ ಆಹುತಿ

ಬಿಡದಿಯ ಇನೋವೇಟಿವ್‌ ಫಿಲ್ಮ್‌ ಸಿಟಿಯಲ್ಲಿ ಅಗ್ನಿ ಅವಘಡ
Last Updated 22 ಫೆಬ್ರುವರಿ 2018, 19:36 IST
ಅಕ್ಷರ ಗಾತ್ರ

ಬಿಡದಿ (ರಾಮನಗರ): ಇಲ್ಲಿನ ಕೈಗಾರಿಕಾ ಪ್ರದೇಶದಲ್ಲಿರುವ ಇನೋವೇಟಿವ್‌ ಫಿಲ್ಮ್‌ ಸಿಟಿಯಲ್ಲಿ ಗುರುವಾರ ನಸುಕಿನಲ್ಲಿ ಅಗ್ನಿ ಅವಘಡ ಸಂಭವಿಸಿದ್ದು, ಇದರಿಂದಾಗಿ ಮೇಣದ ಕಲಾಕೃತಿಗಳ ಸಂಗ್ರಹಾಲಯ, ಬಿಗ್‌ ಬಾಸ್‌ ಕಾರ್ಯಕ್ರಮದ ಸೆಟ್‌ ಹಾಗೂ ಅದರ ತದ್ರೂಪ ಸೆಟ್‌ ಬೆಂಕಿಗೆ ಆಹುತಿಯಾದವು.

ಬೆಳಗಿನ ಜಾವ 3.30ರ ಸುಮಾರಿಗೆ ವಸ್ತುಸಂಗ್ರಹಾಲಯದಲ್ಲಿ ಮೊದಲಿಗೆ ಬೆಂಕಿ ಕಾಣಿಸಿಕೊಂಡಿತು. 60–70ಕ್ಕೂ ಹೆಚ್ಚು ಅಪರೂಪದ ಮೇಣದ ಕಲಾಕೃತಿಗಳು ಒಂದೊಂದಾಗಿ ಅಗ್ನಿಗೆ ಆಹುತಿಯಾದವು. ಕ್ರಮೇಣ ‘ಬಿಗ್‌ಬಾಸ್‌–ಸೀಸನ್‌ 5’ ಕಾರ್ಯಕ್ರಮದ ಸೆಟ್‌ ಹಾಗೂ ಅದೇ ಮಾದರಿಯಲ್ಲಿ ಪ್ರೇಕ್ಷಕರ ವೀಕ್ಷಣೆಗೆಂದು ನಿರ್ಮಿಸಿದ್ದ ಸೆಟ್‌ಗೂ ಬೆಂಕಿ ವ್ಯಾಪಿಸಿತು. ಪರಿಸ್ಥಿತಿ ನಿಯಂತ್ರಿಸಲು ಅಗ್ನಿಶಾಮಕ ಸಿಬ್ಬಂದಿ ಪರದಾಡಿದರು. ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸಲಿಲ್ಲ.

‘ಅವಘಡಕ್ಕೆ ಶಾರ್ಟ್‌ ಸರ್ಕಿಟ್‌ ಕಾರಣ ಇರಬಹುದು ಎಂದು ಶಂಕಿಸಲಾಗಿದ್ದು, ತನಿಖೆ ನಂತರವಷ್ಟೇ ಕಾರಣ ತಿಳಿಯಲಿದೆ’ ಎಂದು ಅಗ್ನಿಶಾಮಕ ದಳದ ಉಪ ನಿರ್ದೇಶಕ ವರದರಾಜನ್‌ ತಿಳಿಸಿದರು.

₹9 ಕೋಟಿ ನಷ್ಟ:
‘ಅಗ್ನಿ ಅವಘಡದಿಂದಾಗಿ ಮ್ಯೂಸಿಯಂ ಹಾಗೂ ಎರಡು ಸೆಟ್‌ಗಳು ಸಂಪೂರ್ಣ ಸುಟ್ಟಿದ್ದು, ₹9 ಕೋಟಿ ನಷ್ಟ ಸಂಭವಿಸಿದೆ’ ಎಂದು ಫಿಲ್ಮ್‌ ಸಿಟಿಯ ವ್ಯವಸ್ಥಾಪಕರು ಬಿಡದಿ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT