ಆಭರಣ ವ್ಯಾಪಾರ ಸಂಸ್ಥೆಯಿಂದ ಓರಿಯಂಟಲ್‌ ಬ್ಯಾಂಕ್‌ ಆಫ್‌ ಕಾಮರ್ಸ್‌ಗೆ ₹390 ಕೋಟಿ ವಂಚನೆ: ಸಿಬಿಐನಿಂದ ಪ್ರಕರಣ ದಾಖಲು

ಆಭರಣ ವ್ಯಾಪಾರಿ ಸಂಸ್ಥೆ ಬ್ಯಾಂಕಿಗೆ ವಂಚನೆ ಮಾಡಿದೆ ಎಂದು ಓರಿಯಂಟಲ್‌ ಬ್ಯಾಂಕ್‌ ಆಫ್‌ ಕಾಮರ್ಸ್‌ ದೂರು ನೀಡಿದ ಆರು ತಿಂಗಳ ಬಳಿಕ ಸಿಬಿಐ ದೆಹಲಿ ಮೂಲದ ಆಭರಣ ವ್ಯಾಪಾರ ಸಂಸ್ಥೆ ವಿರುದ್ಧ ₹390 ಕೋಟಿ ವಂಚನೆ ಪ್ರಕರಣ ದಾಖಲಿಸಿಕೊಂಡಿದೆ.

ವಜ್ರ, ಚಿನ್ನ ಮತ್ತು ಬೆಳ್ಳಿಯ ಆಭರಣಗಳ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದ್ದ ಕರಾಲ್ ಬಾಗ್ ಮೂಲದ ದ್ವಾರಕಾ ದಾಸ್ ಸೇಠ್ ಸಂಸ್ಥೆ ವಿರುದ್ಧ ಸಿಬಿಐ ಗುರುವಾರ ಪ್ರಕರಣ ದಾಖಲಿಸಿಕೊಂಡಿದೆ.

ಒಬಿಸಿಯ ಗ್ರೇಟರ್ ಕೈಲಾಶ್ -2 ಶಾಖೆಯಿಂದ 2007ರಿಂದ ವಿವಿಧ ಸಾಲ ಸೌಲಭ್ಯಗಳನ್ನು ಪಡೆಯಲಾಗಿತ್ತು.

ಪಂಜಾಬ್‌ನ ಬಾಗ್‌ ನಿವಾಸಿಗಳಾದ ಸಭಯ್‌ ಸೇಠ್‌ ಹಾಗೂ ರೀಟಾ ಸೇಠ್‌ ಮತ್ತು ಸರಯಿ ಕಲೇ ಖಾನ್‌ ನಿವಾಸಿಗಳಾದ ಕೃಷ್ಣಕುಮಾರ್‌ ಸಿಂಗ್‌ ಮತ್ತು ರವಿಕುಮಾರ್ ಸಿಂಗ್‌ ಕಂಪನಿಯನ್ನು ನಡೆಸುತ್ತಿದ್ದಾರೆ. ಈ ಎಲ್ಲರ ವಿರುದ್ಧ ಸಿಬಿಐ ಎಫ್‌ಐಆರ್‌ ದಾಖಲಿಸಿಕೊಂಡಿದೆ.