ಮಾನವನ ಹುಟ್ಟು, ಬೆಳವಣಿಗೆ, ನಕ್ಷತ್ರಗಳು, ಗ್ರಹಗಳು, ಸಾಗರಗಳನ್ನು ಹತ್ತಿರದಿಂದ ವೀಕ್ಷಿಸಿದ ಅನುಭವವನ್ನು ಈ ತಾರಾಲಯ ನಮಗೆ ನೀಡುತ್ತದೆ. ಮಂಗನಿಂದ ಮಾನವನ ವಿಕಾಸವಾಗಿದ್ದು, ಸೂರ್ಯನ ಪ್ರಖರತೆ, ಗ್ರಹಗಳ ಬಗೆಗಿನ ವಿವರ, ಆಮ್ಲಜನಕ, ಜಲಜನಕ, ಇಂಗಾಲಗಳು ಹೇಗೆ ತಮ್ಮ ಪ್ರಭಾವ ಬೀರುತ್ತವೆ ಎಂಬ ಮಾಹಿತಿ ತಾರಾಲಯದಲ್ಲಿ ಇದೆ. ಹಿಮದ ಗಡ್ಡೆ, ಡೈನೋಸಾರ್ಗಳ ಲೋಕವನ್ನು ಈ ತಾರಾಲಯ ತೆರೆದಿಡುತ್ತದೆ. ಸಮುದ್ರದಲ್ಲಿ ಈಜಿದ, ಆಕಾಶದಲ್ಲಿ ತೇಲಾಡಿದ ಅನುಭವವಾಗುತ್ತದೆ.