ಮನೆಯವರೆಲ್ಲ ಮದುವೆಗೆ ಹೋಗಿದ್ದರು. ನಾನು ಮನೆಯಲ್ಲೇ ಇದ್ದೆ. ಅಪರೂಪಕ್ಕೆ ನನ್ನ ಗೆಳತಿ ಶೀಲಾ ಮನೆಗೆ ಬಂದಳು. ಅವಳಿಗೆ ಸಿಹಿ ಅಂದ್ರೆ ಇಷ್ಟ. ಯಾವಾಗಲೂ ಅಮ್ಮ ಮಾಡಿದ ಹಾಲುಬಾಯಿಯಲ್ಲಿ ಅವಳಿಗೂ ಒಂದು ಪಾಲು ಸಿಗುತಿತ್ತು. ಹಾಗಾಗಿ ನಾನು ಅವಳಿಗೆ ತಿನ್ನಲು ಹಾಲುಬಾಯಿ ಮಾಡಿ ಕೊಡೋಣ ಅಂತ ಗೋಧಿ ಹಿಟ್ಟು, ಬೆಲ್ಲ, ತೆಂಗಿನ ಕಾಯಿ ಕಾಯಿ ಎಲ್ಲ ರೆಡಿ ಮಾಡಿಕೊಂಡೆ. ಮೊದಲು ಗೋಧಿ ಹಿಟ್ಟನ್ನು ನೀರಿನಲ್ಲಿ ನೆನೆಸಿಟ್ಟೆ. ಆದರೆ ಎಷ್ಟು ನಿರು ಹಾಕಬೇಕು ಎಂದು ಗೊತ್ತಾಗಲಿಲ್ಲ. ಅಂದಾಜಿನ ಮೇಲೆ ನೀರು ಹಾಕಿ ನೆನೆಸಿ ಬೆಲ್ಲದ ಪುಡಿ, ಕಾಯಿ ತುರಿ ಎಲ್ಲ ಹಾಕಿ ಮಿಕ್ಸಿ ಮಾಡಿ ಬಾಣಲೆಗೆ ಸುರಿದು ಹಾಕಿ ಕೈ ಆಡಿಸಲು ಶುರು ಮಾಡಿದೆ.