ನಿವೃತ್ತಿ ವಯಸ್ಸನ್ನು ಏರಿಸುವುದರಿಂದ, ಉದ್ಯೋಗದ ನಿರೀಕ್ಷೆಯಲ್ಲಿರುವ ಅರ್ಹ ಅಭ್ಯರ್ಥಿಗಳಿಗೆ ಅನ್ಯಾಯವಾಗುತ್ತದೆ. ಸುಮಾರು 30 ರಿಂದ 35 ವರ್ಷ ಈ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿರುವ ಬೋಧಕರಿಂದ, ಮುಂದೆಯೂ ಅದೇ ದಕ್ಷತೆಯ ಕೆಲಸವನ್ನು ನಿರೀಕ್ಷಿಸುವುದು ಸಾಧ್ಯವಿಲ್ಲ. ವರ್ಗ ಕೊಠಡಿಗಳಿಗೆ ಹೋಗಿ ಪಾಠ ಮಾಡುವುದನ್ನು ಬಿಟ್ಟು, ಬೇರೆಬೇರೆ ಚಟುವಟಿಕೆಗಳಲ್ಲಿ ನಿರತರಾದವರು ಮಾತ್ರ ವಯೋಮಿತಿ ಹೆಚ್ಚಳದ ಪರ ಇದ್ದಾರೆ. ಪ್ರತಿದಿನ ಮೂರರಿಂದ ನಾಲ್ಕು ಗಂಟೆ ಪಾಠ ಮಾಡುವವರು ಖಂಡಿತ ವಯೋಮಿತಿ ಹೆಚ್ಚಳದ ಪರವಾಗಿ ಇಲ್ಲ.
