ಮಾರುಕಟ್ಟೆಗೆ ನೂರ್‌ಕ್ರಿನ್

ಬುಧವಾರ, ಮಾರ್ಚ್ 27, 2019
22 °C

ಮಾರುಕಟ್ಟೆಗೆ ನೂರ್‌ಕ್ರಿನ್

Published:
Updated:
ಮಾರುಕಟ್ಟೆಗೆ ನೂರ್‌ಕ್ರಿನ್

ಬೆಂಗಳೂರು: ಔಷಧಿ ತಯಾರಿಕಾ ಸಂಸ್ಥೆ ಗ್ಲೆನ್‌ಮಾರ್ಕ್, ಮಹಿಳೆಯರಿಗೆಂದೇ ಪ್ರತ್ಯೇಕವಾಗಿ ತಯಾರಿಸಲಾದ ತಲೆಗೂದಲು ಬೆಳೆಯಲು ನೆರವಾಗುವ ‘ನೂರ್‌ಕ್ರಿನ್‌ ವುಮೆನ್’ ಔಷಧಿಯನ್ನು ದೇಶಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಈ ಸಂಬಂಧ ಡೆನ್ಮಾರ್ಕ್‌ನ ಫಾರ್ಮಾ ಮೆಡಿಕೊ ಸಂಸ್ಥೆಯೊಂದಿಗೆ ಗ್ಲೆನ್‌ಮಾರ್ಕ್‌ ಒಪ್ಪಂದ ಮಾಡಿಕೊಂಡಿದೆ. ನಿರ್ದಿಷ್ಟ ಮಳಿಗೆಗಳಲ್ಲಿ ಮಾತ್ರ ಮಾರಾಟ ಮಾಡಲಿದೆ. ಮಹಿಳೆಯರ ವೈಯಕ್ತಿಕ ಆರೋಗ್ಯ ಸ್ಥಿತಿಗೆ ಅನುಗುಣವಾಗಿ ಚರ್ಮ ತಜ್ಞರ ಸಲಹೆ ಮೇರೆಗೆ ಈ ಔಷಧಿ ಬಳಸಬಹುದಾಗಿದೆ.

‘ಭಾರತದಲ್ಲಿ 9 ಕೋಟಿಗೂ ಹೆಚ್ಚು ಮಹಿಳೆಯರು ಕೂದಲು ಉದುರುವಿಕೆ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇದಕ್ಕೆ ಅನುವಂಶೀಯತೆ, ಪೌಷ್ಟಿಕಾಂಶ ಕೊರತೆ, ಒತ್ತಡದಂತಹ ಹಲವು ಕಾರಣಗಳಿವೆ. ಈ ಸಮಸ್ಯೆಗಳನ್ನು ದೃಷ್ಟಿಯಲ್ಲಿಟ್ಟುಕೊಂಡು ಈ ಔಷಧಿ ತಯಾರಿಸಲಾಗಿದೆ’ ಎಂದು ಸಂಸ್ಥೆಯ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ ಹಿರಿಯ ಉಪಾಧ್ಯಕ್ಷ ರಾಜೇಶ್‌ ಕಪೂರ್ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

‘ವಿಶ್ವದಾದ್ಯಂತ 20ಕ್ಕೂ ಹೆಚ್ಚು ರಾಷ್ಟ್ರಗಳಲ್ಲಿ ಈ ಔಷಧಿಯನ್ನು ಮಾರಾಟ ಮಾಡಲಾಗುತ್ತಿದೆ. ಇಪ್ಪತ್ತು ವರ್ಷಗಳಿಂದ ಈ ಔಷಧಿಯನ್ನು ಗ್ರಾಹಕರು ಬಳಸುತ್ತಿದ್ದಾರೆ. ಯಾವುದೇ ಅಡ್ಡ ಪರಿಣಾಮಗಳು ಇಲ್ಲ. ಇದರ ತಯಾರಿಕೆಗೆ ವಿಷಯುಕ್ತ ರಾಸಾಯನಿಕಗಳನ್ನೂ ಬಳಸಿಲ್ಲ. ಹಲವು ವೈದ್ಯಕೀಯ ನಿಯತಕಾಲಿಕೆಗಳಲ್ಲಿ ಈ ಔಷಧಿ ಬಗೆಗಿನ ಸಂಶೋಧನಾ ವರದಿಗಳು ಪ್ರಕಟಗೊಂಡಿವೆ’ ಎಂದು ಮಾಹಿತಿ ನೀಡಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry