ಅಪಾಯದಿಂದ ಪಾರಾದ ದೇವೇಗೌಡ

ಕುಟುಂಬ ಸಮೇತ ರಥೋತ್ಸವಕ್ಕೆ ಬಂದಿದ್ದ ದೇವೇಗೌಡ ಅವರು ರಥ ಎಳೆಯಲು ಮುಂದಾದರು. ಉತ್ಸವ ಮೂರ್ತಿ ಪೂಜೆಯ ನಂತರ ರಥದತ್ತ ಹೆಜ್ಜೆ ಹಾಕಿದರು. ಈ ವೇಳೆ ನಗಾರಿ ಬಾರಿಸಿದ್ದರಿಂದ ಭಕ್ತರು ಒಮ್ಮೆಲೆ ರಥ ಎಳೆದರು. ಆಗ ತಳ್ಳಾಟ ನೂಕು–ನುಗ್ಗಲು ಉಂಟಾಯಿತು. ರಥ ಮುನ್ನುಗ್ಗುವುದನ್ನು ನೋಡಿದ ದೇವೇಗೌಡ ದಂಪತಿ ಗಲಿಬಿಲಿಗೊಂಡರು. ಇದನ್ನು ಗಮನಿಸಿದ ಪುತ್ರ ರೇವಣ್ಣ ತಕ್ಷಣ ರಥದ ಹಾದಿಯಲ್ಲಿ ನಡುವೆ ಬಂದು ಅವರನ್ನು ಪಕ್ಕಕ್ಕೆ ತಳ್ಳಿಕೊಂಡು ಹೋದರು. ಅರೇಕ್ಷಣದಲ್ಲಿ ರಥ ವೇಗದಲ್ಲಿ ಮುಂದಕ್ಕೆ ಸಾಗಿತು.

ಇದನ್ನು ಕಂಡ ಸಾರ್ವಜನಿಕರು ‘ದೇವರು ದೊಡ್ಡವನು’ ಎಂದು ನಿಟ್ಟುಸಿರು ಬಿಟ್ಟರು. ಪೊಲೀಸರು ರಥ ಎಳೆಯುವುದನ್ನು ನಿಲ್ಲಿಸುವಂತೆ ಸಿಟಿ ಊದುತ್ತಾ ನೀಡುತ್ತಿದ್ದ ಸೂಚನೆಯೂ ಗದ್ದಲದಲ್ಲಿ ಕೇಳದಾಗಿತ್ತು.