ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

‘2.0’ ಚಿತ್ರದ ಟೀಸರ್‌ ಸೋರಿಕೆ

Last Updated 4 ಮಾರ್ಚ್ 2018, 19:30 IST
ಅಕ್ಷರ ಗಾತ್ರ

ಚೆನ್ನೈ: ನಟ ರಜನಿಕಾಂತ್‌ ಅಭಿನಯಿಸಿರುವ ‘2.0’ ಚಲನಚಿತ್ರದ ಟೀಸರ್‌ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾನುವಾರ ಸೋರಿಕೆಯಾಗಿದೆ.

ಈ ಚಲನಚಿತ್ರದ ನಿರ್ಮಾಪಕ ಸುಭಾಸ್ಕರನ್‌ ಅಲ್ಲಿರಾಜಾ ಅವರ ಜನ್ಮ ದಿನದಂದು ಗಣ್ಯ ವ್ಯಕ್ತಿಗಳಿಗೆ ಮಾತ್ರ ಟೀಸರ್‌ನ ವಿಶೇಷ ಪ್ರದರ್ಶನ ಆಯೋಜಿಸಲಾಗಿತ್ತು. ಈ ಸಂದರ್ಭದಲ್ಲಿ ಸೋರಿಕೆಯಾಗಿರುವ ಸಾಧ್ಯತೆಗಳಿವೆ ಎಂದು ಮೂಲಗಳು ತಿಳಿಸಿವೆ.

ಅದ್ದೂರಿ ಬಜೆಟ್‌ನ ಈ ಚಲನಚಿತ್ರವನ್ನು ಶಂಕರ್‌ ಅವರು ನಿರ್ದೇಶಿಸಿದ್ದಾರೆ. ಹಿಂದಿ ಸಿನಿಮಾ ನಟ ಅಕ್ಷಯಕುಮಾರ್‌ ಮತ್ತು ನಟಿ ಅಮಿ ಜಾಕ್ಸನ್‌ ಹಾಗೂ ತಮಿಳು ಚಲನಚಿತ್ರ ರಂಗದ ಹಲವು ಖ್ಯಾತ ನಟರು ಈ ಚಿತ್ರದಲ್ಲಿದ್ದಾರೆ. ಎ.ಆರ್‌. ರೆಹಮಾನ್‌ ಅವರು ಈ ಚಿತ್ರಕ್ಕೆ ಸಂಗೀತ ನಿರ್ದೇಶಿಸಿದ್ದಾರೆ.

‘ಎಂಥಿರನ್‌’ ಚಲನಚಿತ್ರದ ಬಳಿಕ ರಜನಿಕಾಂತ್‌ ಮತ್ತು ಶಂಕರ್‌ ಜೋಡಿಯ ಎರಡನೇ ಚಿತ್ರ ಇದಾಗಿದೆ. ಟೀಸರ್‌ ಸೋರಿಕೆ ಬಗ್ಗೆ ರಜನಿಕಾಂತ್‌ ಮಗಳು ಸೌಂದರ್ಯ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ಅಧಿಕೃತವಾಗಿ ಬಿಡುಗಡೆ ಮಾಡುವ ಮುನ್ನವೇ ಈ ರೀತಿಯ ಸೋರಿಕೆಯಾಗುವುದನ್ನು ಸಹಿಸಬಾರದು ಮತ್ತು ಪ್ರೋತ್ಸಾಹಿಸಬಾರದು. ಕೆಲವು ಸೆಕೆಂಡ್‌ಗಳ ಉತ್ಸಾಹಕ್ಕಾಗಿ ಕಠಿಣ ಪರಿಶ್ರಮ, ಪ್ರಯತ್ನಗಳನ್ನು ಕಡೆಗಣಿಸಲಾಗಿದೆ. ಚಲನಚಿತ್ರ ನಿರ್ಮಾಣದಲ್ಲಿ ಭಾಗಿಯಾದವರ ಭಾವನೆಗಳಿಗೆ ಧಕ್ಕೆ ಮಾಡಲಾಗಿದೆ. ಇದೊಂದು ಹೃದಯಹೀನ ಕೃತ್ಯ’ ಎಂದು ಸೌಂದರ್ಯ ಟ್ವೀಟ್‌ ಮಾಡಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT