ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯವು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ವೇಳೆ ಎನ್ಸಿಎಲ್ಟಿ ಈ ಆದೇಶ ಹೊರಡಿಸಿದೆ. ಆರೋಪಿಗಳ ಒಡೆತನದ ಕಂಪನಿಗಳು, ಪಾಲುದಾರ ಕಂಪನಿಗಳು ಮತ್ತು ಆ ಕಂಪನಿಗಳ ಜತೆ ವ್ಯವಹರಿಸುವ ಸೀಮಿತ ಹೊಣೆಗಾರಿಕೆ ಪಾಲುದಾರ ಸಂಸ್ಥೆಗಳ ಸ್ವತ್ತುಗಳನ್ನು ವರ್ಗಾಯಿಸುವಂತಿಲ್ಲ ಮತ್ತು ಮಾರಾಟ ಮಾಡುವಂತಿಲ್ಲ ಎಂದು ನ್ಯಾಯಮಂಡಳಿ ತಿಳಿಸಿದೆ. ನೀರವ್, ಚೋಕ್ಸಿ ಮತ್ತು ಇನ್ನೂ ಐವರು ಆರೋಪಿಗಳ ಒಡೆತನದ ಕಂಪನಿಗಳಿಗೆ ಈ ನಿಷೇಧ ಅನ್ವಯವಾಗಲಿದೆ.