ಚಿಕ್ಕಬಳ್ಳಾಪುರ: ಚಿಕ್ಕಬಳ್ಳಾಪುರ ಶಾಸಕ ಡಾ. ಕೆ.ಸುಧಾಕರ್ ಅವರ ಸಾಯಿಕೃಷ್ಣ ಚಾರಿಟಬಲ್ ಟ್ರಸ್ಟ್ ವತಿಯಿಂದ ಮಂಗಳವಾರ ನಗರದ ಸಿಟಿಜನ್ ಕ್ಲಬ್ ಆವರಣದಲ್ಲಿ 5, 6, 7 ಮತ್ತು 8ನೇ ವಾರ್ಡ್ನ ವ್ಯಾಪ್ತಿಯ ಮಹಿಳೆಯರಿಗೆ ತಲಾ ₹ 3,140 ಮೌಲ್ಯದ ಮಿಕ್ಸಿ ವಿತರಿಸಲಾಯಿತು.
ಇದಕ್ಕಾಗಿ ಒಂದು ಲಾರಿ ಲೋಡ್ ಮಿಕ್ಸರ್ಗಳನ್ನು ತರಿಸಲಾಗಿತ್ತು. ವಿತರಣೆ ಉಸ್ತುವಾರಿಯನ್ನು ನಗರಸಭೆ ಉಪಾಧ್ಯಕ್ಷೆ ಲೀಲಾವತಿ ಶ್ರೀನಿವಾಸ್ ವಹಿಸಿಕೊಂಡಿದ್ದರು.
ಸಂಕ್ರಾಂತಿ ಪ್ರಯುಕ್ತ ಈ ಹಿಂದೆ ಟ್ರಸ್ಟ್ ವತಿಯಿಂದ ರಂಗೋಲಿ, ಉಡುಗೆ, ಅಡುಗೆ ಸ್ಪರ್ಧೆ ಏರ್ಪಡಿಸಲಾಗಿತ್ತು. ರಂಗೋಲಿ ಸ್ಪರ್ಧೆಯಲ್ಲಿ 25 ಸಾವಿರ ಮಹಿಳೆಯರು ಭಾಗವಹಿಸಿದ್ದರು.
ವಿಜೇತರಾದವರಿಗೆ ಮೊದಲ ಬಹುಮಾನ ರೆಫ್ರಿಜಿರೇಟರ್, ದ್ವಿತೀಯ ಬಹುಮಾನ ಎಲ್ಇಡಿ ಟಿ.ವಿ ಮತ್ತು ತೃತೀಯ ಬಹುಮಾನ ಗ್ರೈಂಡರ್ ವಿತರಿ
ಸಲಾಗಿತ್ತು. ಭಾಗವಹಿಸಿದ ಎಲ್ಲರಿಗೂ ಉಡುಗೊರೆ ನೀಡುವುದಾಗಿ ಆಗ ಘೋಷಿಸಲಾಗಿತ್ತು. ಆ ಉಡುಗೊರೆ ಮಿಕ್ಸಿ ಎಂಬುದು ಈಗ ಗೊತ್ತಾಗಿದೆ. ಇದಕ್ಕಾಗಿ ₹ 1 ಕೋಟಿಗೂ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದಾರೆ ಎನ್ನಲಾಗಿದೆ.