ಮುಂಬೈನ ರಾಸಾಯನಿಕ ಕಾರ್ಖಾನೆಯಲ್ಲಿ ಬೆಂಕಿ ಅವಘಡ; ಮೂವರು ಬಲಿ, ಐವರಿಗೆ ಗಾಯ

ಮೃತರನ್ನು ಪಿಂಟು ಕುಮಾರ್ ಗೌತಮ್, ಜಾನು ಅದಾರಿಯಾ, ಲೋಕ್ ನಾಥ್ ಎಂದು ಗುರುತಿಸಲಾಗಿದೆ.

ಈ ಅವಘಡದಿಂದ ನೊವಾಪೆನ್ , ಯುನಿಮ್ಯಾಕ್ಸ್, ಪ್ರಚಿ, ಆರತಿ ಡ್ರಗ್ಸ್, ಭಾರತ್ ರಸಾಯನ್ , ದರ್ಬಾರ್  ಕಾರ್ಖಾನೆಗಳು ಹಾನಿಗೊಳಗಾಗಿವೆ. ಇದೀಗ ಬೆಂಕಿ ಹರಡುವಿಕೆ ನಿಯಂತ್ರಣಕ್ಕೆ ಬಂದಿದೆ. ಆದರೆ ಕೆಲವು ಪ್ರದೇಶಗಳು ಬೆಂಕಿಯ ಕೆನ್ನಾಲಿಗೆಗೆ ತುತ್ತಾಗಿವೆ.  ಅಗ್ನಿಶಾಮಕ ಸಿಬ್ಬಂದಿಯಿಂದ ರಕ್ಷಣಾ ಕಾರ್ಯಾಚರಣೆ ಮುಂದುವರೆದಿದೆ ಎಂದು ಪಲ್ಗಾರ್ ಎಸ್‌ಪಿ ಮಂಜುನಾಥ್ ಸಿಂಘೆ ಹೇಳಿದ್ದಾರೆ.

ಬಾಯ್ಲರ್‌ನ ರಾಸಾಯನಿಕ ದ್ರಾವಕ ಸೋರಿಕೆಯಿಂದ ಉಂಟಾದ ಹೆಚ್ಚಿನ ಉಷ್ಣಾಂಶ ಹಾಗೂ ಒತ್ತಡದಿಂದ ಈ ಅವಘಡ ಸಂಭವಿಸಿದೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ.