ಉದ್ದೇಶಪೂರ್ವಕ ಸುಸ್ತಿದಾರರು, ಕಂಪನಿಗಳ ಪ್ರವರ್ತಕರಾಗಿ, ನಿರ್ದೇಶಕರಾಗಿ ಬಂಡವಾಳ ಮಾರುಕಟ್ಟೆಗೆ ಪ್ರವೇಶಿಸದಂತೆ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಕೂಡ ಕಠಿಣ ನಿಯಮಗಳನ್ನು ರೂಪಿಸಿದೆ. ಈ ಕ್ರಮಗಳು 2016ರಿಂದಲೇ ಜಾರಿಗೆ ಬಂದಿವೆ. 2017 ಡಿಸೆಂಬರ್ 31ರ ವೇಳೆಗೆ ಇಂತಹ ಸುಸ್ತಿದಾರರ ವಿರುದ್ಧ ಒಟ್ಟು 2,108 ಎಫ್ಐಆರ್ಗಳನ್ನು ದಾಖಲಿಸಲಾಗಿದೆ. ಸಾಲ ವಸೂಲಾತಿಗಾಗಿ 8,462 ಮೊಕದ್ದಮೆಗಳನ್ನು ದಾಖಲಿಸಲಾಗಿದೆ. ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳು 2016ರ ಮಾರ್ಚ್ ಅಂತ್ಯದವರೆಗಿನ ಐದು ವರ್ಷಗಳ ಅವಧಿಯಲ್ಲಿ ₹ 2.30 ಲಕ್ಷ ಕೋಟಿ ಸಾಲ ವಜಾ ಮಾಡಿವೆ.