ಮೈಸೂರು: ಸಾರ್ವಜನಿಕ ಸ್ಥಳಗಳಲ್ಲಿ ಮಹಿಳೆಯು ಲೈಂಗಿಕ ಶೋಷಣೆಗೆ ಒಳಗಾಗುವುದನ್ನು ಕಲೆಯ ಮೂಲಕ ಪ್ರತಿಧ್ವನಿಸುವ ಪ್ರಯತ್ನವನ್ನು ಕಲಾವಿದರು ಇಲ್ಲಿ ಮಾಡಿದ್ದಾರೆ.
ಕಚೇರಿ, ಬಸ್ ನಿಲ್ದಾಣ, ರೈಲು ಸೇರಿದಂತೆ ಮಹಿಳೆಗೆ ಒಂದಲ್ಲ ಒಂದು ರೀತಿಯ ಶೋಷಣೆ ಇದ್ದೇ ಇರುತ್ತದೆ. ಅದು ಮಾತುಗಳ ಮೂಲಕ ಇರಬಹುದು ಅಥವಾ ಕೇವಲ ದೃಷ್ಟಿಯ ಮೂಲಕವೂ ಇರಬಹುದು. ನಿತ್ಯ ಅನುಭವಿಸುವ ಈ ನರಕಯಾತನೆ ಇಲ್ಲಿ ಕಲೆಯ ಮೂಲಕ ಅಭಿವ್ಯಕ್ತಿಗೊಂಡಿದೆ.
ಮೈಸೂರು ಹಾಗೂ ಬೆಂಗಳೂರಿನ ಕಲಾವಿದರು, ಜರ್ಮನಿ ಮೂಲದ ಕಲೆಯ ಮೂಲಕ ಪ್ರಭಾವಿತರಾಗಿ ಇಲ್ಲಿ ವಿನೂತನ ಪ್ರಯತ್ನಪಟ್ಟಿದ್ದಾರೆ.