ಬಸವನಗುಡಿಯಲ್ಲಿ ನಿರ್ಮಿತವಾದ ಬೆಂಗಳೂರು ಪ್ರಾದೇಶಿಕ ಕಚೇರಿ, ಸಂಪೂರ್ಣ ಮಹಿಳಾ ಶಾಖೆ (800ನೇ ಶಾಖೆ), ಭದ್ರತಾ ಕೊಠಡಿ, ಕರೆನ್ಸಿ ಚೆಸ್ಟ್, ಬೋರ್ಡ್ ರೂಮ್ ಇತ್ಯಾದಿಗಳನ್ನು ಹೊಂದಿದ ಬ್ಯಾಂಕಿನ ನೂತನ ಕಟ್ಟಡ ಸಂಕೀರ್ಣವನ್ನು ಬ್ಯಾಂಕಿನ ಮಾಜಿ ಅಧ್ಯಕ್ಷ ಪಿ. ರಘುರಾಮ್ ಉದ್ಘಾಟಿಸಿದರು. ಇದೇ ಸಂದರ್ಭದಲ್ಲಿ ಬ್ಯಾಂಕಿನ ಪ್ರಥಮ ಸಂಪೂರ್ಣ ಮಹಿಳಾ ಶಾಖೆ (800ನೇ ಶಾಖೆ)ಯನ್ನು ಬ್ಯಾಂಕ್ ನಿರ್ದೇಶಕಿ ಉಷಾ ಗಣೇಶ್ ಉದ್ಘಾಟಿಸಿದರು. ಅಧ್ಯಕ್ಷತೆ ವಹಿಸಿದ್ದ ಬ್ಯಾಂಕ್ ಅಧ್ಯಕ್ಷ ಪಿ. ಜಯರಾಮ ಭಟ್, ಬ್ಯಾಂಕಿನ ಬೆಂಗಳೂರು ಪ್ರಾದೇಶಿಕ ಕಚೇರಿಯ ನೂತನ ಪ್ರಾಂಗಣವನ್ನು ಉದ್ಘಾಟಿಸಿದರು.