ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸಲ್ಲೂ ಪದ್ಯ ಬರೀತಾರಂತೆ!

Last Updated 19 ಮಾರ್ಚ್ 2018, 19:30 IST
ಅಕ್ಷರ ಗಾತ್ರ

ಸಲ್ಮಾನ್‌ ಖಾನ್‌– ಜಾಕ್ವೆಲಿನ್‌ ಫರ್ನಾಂಡಿಸ್‌ – ಬಾಬಿ ದೇವಲ್‌ ಅಭಿನಯದ ‘ರೇಸ್‌–3’ ಚಿತ್ರದ ಮೋಷನ್‌ ಪೋಸ್ಟರ್‌ ಗುರುವಾರವಷ್ಟೇ ಬಿಡುಗಡೆಯಾಗಿದ್ದು ಸಲ್ಲೂ–ಜಾಕಿ ಅಭಿಮಾನಿಗಳ ಕುತೂಹಲ ಉತ್ತುಂಗಕ್ಕೇರುವಂತೆ ಮಾಡಿದೆ. ಇದೀಗ ಬಂದ ಹೊಸ ಸುದ್ದಿ ಏನೆಂದರೆ, ಈ ಚಿತ್ರದ ಮೂಲಕ ಸಲ್ಲೂ ಭಾಯ್‌ ಗೀತರಚನೆಕಾರರಾಗಲಿದ್ದಾರೆ! ಹೌದು, ‘ರೇಸ್‌–3’ಗಾಗಿ ಸಲ್ಲೂ ಹಾಡೊಂದನ್ನು ಬರೆಯಲಿರುವ ಸಂಗತಿ ಹೊರಬಿದ್ದಿದೆ.

ರೆಮೊ ಡಿಸೋಜ ಅವರ ನೃತ್ಯ ನಿರ್ದೇಶನವಿರುವ ಈ ಚಿತ್ರಕ್ಕೆ ಸಖತ್‌ ರೊಮ್ಯಾಂಟಿಕ್‌ ಆದ ಹಾಡೊಂದು ಬೇಕು ಎಂದು ನಿರ್ದೇಶಕರು ಚರ್ಚಿಸುತ್ತಿರುವಾಗ ತಾವು ಬರೆದಿರುವ ಹಾಡಿನ ಬಗ್ಗೆ ಸಲ್ಲೂ ಪ್ರಸ್ತಾಪಿಸಿದರಂತೆ. ನಿರ್ಮಾಪಕ ರಮೇಶ್‌ ತೌರಾನಿ ಅವರಿಗೂ ಈ ಹಾಡು ಹಿಡಿಸಿದೆಯಂತೆ. ಗೀತ ರಚನೆಕಾರರಾಗಿ ಸಲ್ಲೂ ಮೊದಲ ಯತ್ನದಲ್ಲೇ ಗೆದ್ದರೆ ಅವರ ಮುಡಿಗೆ ಹೊಸ ಗರಿಯೇರಲಿರುವುದಂತೂ ಸತ್ಯ.

ಇದೇ ವರ್ಷದ ಈದ್‌ ಹಬ್ಬಕ್ಕೆ ಈ ಚಿತ್ರ ಬಿಡುಗಡೆಯಾಗಬೇಕು ಎಂಬುದು ಸಲ್ಮಾನ್‌ ಲೆಕ್ಕಾಚಾರ. ಚಿತ್ರ ತಂಡ ಈಗಾಗಲೇ ಬ್ಯಾಂಕಾಕ್‌ನಲ್ಲಿ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದೆ. ಸಲ್ಮಾನ್‌ ಬರೆದ ಹಾಡು ಅಂತಿಮಗೊಂಡಲ್ಲಿ ಚಿತ್ರತಂಡ ಅಬುಧಾಬಿ ವಿಮಾನ ಹತ್ತಲಿದೆ. 

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT