ಜನಪರ ಆಡಳಿತ ನೀಡಿರುವ ರಾಜ್ಯ ಸರ್ಕಾರ: ಪಾಟೀಲ

ಪಟ್ಟಣದ ಕಾಲಕಾಲೇಶ್ವರ ವೃತ್ತದಲ್ಲಿ ಭಾನುವಾರ ಸಂಜೆ ನಡೆದ ಪಕ್ಷ ಸೇರ್ಪಡೆ ಕಾರ್ಯಕ್ರಮದಲ್ಲಿ ವಿವಿಧ ಪಕ್ಷಗಳನ್ನು ತೊರೆದ ಮುಖಂಡರನ್ನು ಪಕ್ಷಕ್ಕೆ ಬರಮಾಡಿಕೊಂಡು ಮಾತನಾಡಿದ ಅವರು, ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರದ ಜನಪರ ಯೋಜನೆಗಳು ಎಲ್ಲ ವರ್ಗದ ಜನರಿಗೂ ತಲುಪುವ ಯೋಜನೆಗಳಾಗಿವೆ. ಚುನಾವಣಾ ಪೂರ್ವದಲ್ಲಿ ನೀಡಿದ್ದ ಎಲ್ಲ ಭರವಸೆಗಳನ್ನು ಐದು ವರ್ಷಗಳಲ್ಲಿ ಈಡೇರಿಸಿ ನುಡಿದಂತೆ ನಡೆದ ಸರ್ಕಾರ ಎಂಬ ಖ್ಯಾತಿಗೆ ರಾಜ್ಯ ಸರ್ಕಾರ ಪಾತ್ರವಾಗಿದೆ ಎಂದರು.

ಬಸವರಾಜ ಶಿಲವಂತರ, ಸಿದ್ದಲಿಂಗಪ್ಪ ಕನಕೇರಿ, ಮೊಹನ ಕನಕೇರಿ, ಸಂತೋಷ ಕತ್ತಿಶೆಟ್ಟರ, ತುಕಾರಾಂ ಜಿಂಗಾಡೆ, ಶಿವಪ್ಪ ಪಮ್ಮಾರ, ಪರಸಪ್ಪ ಚಳಗೇರಿ, ರಾಜಕುಮಾರ ಜಿಂಗಾಡೆ, ವಿರೇಶ ಚಳಗೇರಿ, ವಿರೂಪಾಕ್ಷಪ್ಪ ಚಿನಿವಾಲರ, ಭೀಮಶಿ ಇಟಗಿ, ಮಹೇಶ ಕತ್ತಿಶೆಟ್ಟರ, ಬಸವರಾಜ ನಂದಿಹಾಳ, ಪ್ರಕಾಶ ಮಹೇಂದ್ರಕರ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಗೊಂಡರು.

ವೀರಣ್ಣ ಸೊನ್ನದ, ತಾಲ್ಲೂಕು ಪಂಚಾಯ್ತಿ ಸದಸ್ಯ ಶಶಿಧರ ಹೂಗಾರ, ವೀರಣ್ಣ ಶೆಟ್ಟರ, ಪುರಸಭೆ ಅಧ್ಯಕ್ಷೆ ಸುಜಾತಾ ಚುಂಚಾ, ಪುರಸಭೆ ಸದಸ್ಯರಾದ ಶಿವರಾಜ ಘೊರ್ಪಡೆ, ಶಾರದಾ ರಾಠೋಡ, ಮುರ್ತುಜಾ ಢಾಲಾಯತ, ಕೊಟ್ರೇಶ ಚಿಲಕಾ ಇದ್ದರು.