ಅಮೀರ್‌ ಕನಸಿನ ಸಾಕಾರಕ್ಕೆ ದಿನಗಣನೆ

ಉದ್ಯಮಿ ಮುಕೇಶ್‌ ಅಂಬಾನಿ ಈ ಚಿತ್ರಕ್ಕೆ ಹಣ ಹೂಡಲಿದ್ದಾರೆ. ತಾವು ಆರಂಭಿಸಿರುವ ಹೊಸ ಕಂಪೆನಿ ಮೂಲಕ ಮುಕೇಶ್‌ ಈ ಸಿನಿಮಾಕ್ಕೆ ಹಣ ಹೂಡಲಿದ್ದು, ಕಂಪನಿಯ ಮೊದಲ ಯೋಜನೆ ಈ ಸಿನಿಮಾವೇ ಆಗಲಿದೆ. ಭವಿಷ್ಯದಲ್ಲಿ ಈ ಕಂಪೆನಿ ಮೂಲಕ ಮತ್ತಷ್ಟು ಚಿತ್ರಕ್ಕೆ ಮುಕೇಶ್‌ ಬಂಡವಾಳ ಹೂಡುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಈ ಸಿನಿಮಾ ₹1,000 ಕೋಟಿ ವೆಚ್ಚದ್ದು ಎಂಬ ಗಾಳಿ ಮಾತು ಅನೇಕ ತಿಂಗಳುಗಳಿಂದ ಹರಿದಾಡುತ್ತಿದೆ. ಆದರೆ ಇದನ್ನು ಅಮೀರ್‌ ಆಗಲಿ ಅಥವಾ ಚಿತ್ರತಂಡದ ಯಾರೊಬ್ಬರೂ ಸ್ಪಷ್ಟಮಾಡಿಲ್ಲ. ಒಂದು ವೇಳೆ ಈ ಸುದ್ದಿ ನಿಜವಾದರೆ ಇಷ್ಟು ದೊಡ್ಡ ಮೊತ್ತದಲ್ಲಿ ಭಾರತೀಯ ಚಿತ್ರರಂಗದಲ್ಲಿ ತಯಾರಾಗುತ್ತಿರುವ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.