ಕರಾಚಿ, ಪಾಕಿಸ್ತಾನ : ಲಿಂಗ ಪರಿವರ್ತಿಸಿಕೊಂಡಿರುವ ವ್ಯಕ್ತಿಯೊಬ್ಬರು ಇದೇ ಮೊದಲ ಬಾರಿಗೆ ಪಾಕಿಸ್ತಾನದಲ್ಲಿ ಸುದ್ದಿ ವಾಚಕಿಯಾಗಿ ಆಯ್ಕೆಯಾಗಿದ್ದಾರೆ.
ಇತ್ತೀಚೆಗೆ ಪಾಕಿಸ್ತಾನದಲ್ಲಿ ನಡೆದ ಫ್ಯಾಷನ್ ಷೋನಲ್ಲಿ ಕ್ಯಾಟ್ವಾಕ್ ಮಾಡುವ ಮೂಲಕ ಗಮನ ಸೆಳೆದಿದ್ದ ಮಾರ್ವಿಯಾ ಮಲಿಕ್ (21) ಈಗ ‘ಕೊಹಿನೂರ್’ ಸುದ್ದಿ ವಾಹಿನಿಯ ವಾರ್ತಾ ವಾಚಕಿಯಾಗಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಮಾರ್ವಿಯಾ, ‘ನನಗೆ ಖುಷಿಯಾಗುತ್ತಿದೆ. ಸಾಧನೆ ಮಾಡಬೇಕಿರುವುದು ಬಹಳಷ್ಟು ಇದೆ’ ಎಂದಿದ್ದಾರೆ. ಮಾಡೆಲಿಂಗ್ ಮಾಡಲು ಅವಕಾಶ ಬಂದರೂ ಮಾಧ್ಯಮ ವಲಯದಲ್ಲಿ ಇತಿಹಾಸ ಸೃಷ್ಟಿಸಲು ಬಯಸಿರುವುದಾಗಿ ಅವರು ಹೇಳಿದ್ದಾರೆ.