ನಟಿ ಪ್ರಿಯಾಂಕಾ ಚೋಪ್ರಾ ಅವರಿಗೆ ಹಾಲಿವುಡ್ನಲ್ಲಿ ‘ಬೇವಾಚ್’ ಸಿನಿಮಾ ಹೆಸರು ತಂದು ಕೊಟ್ಟಿಲ್ಲವಾದರೂ, ಕ್ವಾಂಟಿಕೊ ಟಿವಿ ಸರಣಿ ಮೂಲಕ ಅಲ್ಲಿ ಗುರುತಿಸಿಕೊಂಡಿದ್ದರು. ಅವರು ಹಾಲಿವುಡ್ಗೆ ಹಾರಿದ ಬಳಿಕ ಇನ್ನೇನು ಬಾಲಿವುಡ್ನಲ್ಲಿ ಪ್ರಿಯಾಂಕಾ ಪಯಣ ಮುಗಿದಂತೆ ಎಂದು ಅನೇಕರುಭಾವಿಸಿದ್ದರು. ಆದರೆ ಪ್ರಿಯಾಂಕಾ ಈಗ ಸಲ್ಮಾನ್ ಖಾನ್ ನಾಯಕನಟನಾಗಿರುವ ‘ಭಾರತ್’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಲು ಒಪ್ಪಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ನಟಿಸಲಿಕ್ಕಾಗಿಯೇ ಅವರು ‘ಕ್ವಾಂಟಿಕೊ’ ತಂಡದಿಂದ ಹೊರಬರಲು ನಿರ್ಧರಿಸಿದ್ದಾರೆ ಎಂಬ ಮಾತುಗಳೂ ಕೇಳಿಬರುತ್ತಿವೆ.