ಕ್ರಿಕೆಟ್‌: ಸೋಲಿನ ಸುಳಿಯಲ್ಲಿ ಆಸ್ಟ್ರೇಲಿಯಾ

ನ್ಯೂ ವಾಂಡರರ್ಸ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದ ಮೊದಲ ಇನಿಂಗ್ಸ್‌ನಲ್ಲಿ ಟಿಮ್‌ ಪೇನ್‌ ಪಡೆ 70 ಓವರ್‌ಗಳಲ್ಲಿ 221ರನ್‌ಗಳಿಗೆ ಆಲೌಟ್‌ ಆಗಿದೆ. ದ್ವಿತೀಯ ಇನಿಂಗ್ಸ್‌ ಆರಂಭಿಸಿರುವ ದಕ್ಷಿಣ ಆಫ್ರಿಕಾ ದಿನದಾಟದ ಅಂತ್ಯಕ್ಕೆ 56 ಓವರ್‌ಗಳಲ್ಲಿ 3 ವಿಕೆಟ್‌ಗೆ 134ರನ್‌ ಗಳಿಸಿ ಒಟ್ಟು ಮುನ್ನಡೆಯನ್ನು 401ರನ್‌ಗಳಿಗೆ ಹೆಚ್ಚಿಸಿಕೊಂಡಿದೆ. ಈ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 136.5 ಓವರ್‌ಗಳಲ್ಲಿ 488ರನ್‌ ಕಲೆಹಾಕಿತ್ತು.

6 ವಿಕೆಟ್‌ಗೆ 110ರನ್‌ಗಳಿಂದ ಭಾನುವಾರ ಆಟ ಮುಂದುವರಿಸಿದ ಆಸ್ಟ್ರೇಲಿಯಾ ತಂಡಕ್ಕೆ ನಾಯಕ ಟಿಮ್‌ ಪೇನ್‌ (62; 96ಎ, 7ಬೌಂ, 2ಸಿ) ಮತ್ತು ಪ್ಯಾಟ್‌ ಕಮಿನ್ಸ್‌ (50; 92ಎ, 6ಬೌಂ, 1ಸಿ) ಆಸರೆಯಾದರು. ಇವರು ಏಳನೇ ವಿಕೆಟ್‌ಗೆ 99ರನ್‌ ಗಳಿಸಿದ್ದರಿಂದ ತಂಡದ ಮೊತ್ತ 200ರ ಗಡಿ ದಾಟಿತು.

ಸಂಕ್ಷಿಪ್ತ ಸ್ಕೋರ್‌: ದಕ್ಷಿಣ ಆಫ್ರಿಕಾ, ಮೊದಲ ಇನಿಂಗ್ಸ್, 136.5 ಓವರ್‌ಗಳಲ್ಲಿ 488 ಮತ್ತು 56 ಓವರ್‌ಗಳಲ್ಲಿ 3 ವಿಕೆಟ್‌ಗೆ 134 (ಏಡನ್‌ ಮಾರ್ಕರಮ್‌ 37, ಡೀನ್‌ ಎಲ್ಗರ್‌ ಬ್ಯಾಟಿಂಗ್‌ 39, ಹಾಶೀಮ್‌ ಆಮ್ಲಾ 16, ಫಾಫ್‌ ಡು ಪ್ಲೆಸಿ ಬ್ಯಾಟಿಂಗ್‌ 34; ನೇಥನ್‌ ಲಿಯೊನ್‌ 44ಕ್ಕೆ1, ಪ್ಯಾಟ್‌ ಕಮಿನ್ಸ್‌ 35ಕ್ಕೆ2).

ಆಸ್ಟ್ರೇಲಿಯಾ: ಪ್ರಥಮ ಇನಿಂಗ್ಸ್‌, 70 ಓವರ್‌ಗಳಲ್ಲಿ 221 (ಟಿಮ್‌ ಪೇನ್‌ 62, ಪ್ಯಾಟ್‌ ಕಮಿನ್ಸ್‌ 50, ವರ್ನಾನ್‌ ಫಿಲ್ಯಾಂಡರ್‌ 30ಕ್ಕೆ3, ಕಗಿಸೊ ರಬಾಡ 53ಕ್ಕೆ3, ಮಾರ್ನ್‌ ಮಾರ್ಕೆಲ್‌ 34ಕ್ಕೆ1, ಕೇಶವ್‌ ಮಹಾರಾಜ್‌ 92ಕ್ಕೆ3).