6
ಕಾಂಗ್ರೆಸ್‌ ಮುಖಂಡ ಹೂಲಗೇರಿ ಮನೆ ಮೇಲೆ ದಾಳಿ

ಕಾಂಗ್ರೆಸ್‌ ಮುಖಂಡನ ಮನೆ ಮೇಲೆ ದಾಳಿ:₹ 1.60 ಲಕ್ಷ ವಶ

Published:
Updated:

ಲಿಂಗಸುಗೂರು: ಕಾಂಗ್ರೆಸ್‌ನ ಹಿರಿಯ ಮುಖಂಡ ಡಿ.ಎಸ್‌. ಹೂಲಗೇರಿ ಮನೆ ಮೇಲೆ ದಾಳಿ ನಡೆಸಿದ ಜಾಗೃತ ದಳದ ಮುಖ್ಯಸ್ಥ ಮಲ್ಲೇಶ ಅಕ್ಕರಕಿ ನೇತೃತ್ವದ ತಂಡ ₹ 1.60 ಲಕ್ಷ ನಗದು, ಪಕ್ಷದ ಕರಪತ್ರ ಹಾಗೂ ಕಿರುಹೊತ್ತಿಗೆ ಜಪ್ತಿ ಮಾಡಿಕೊಂಡಿದೆ. ಭಾನುವಾರ ಹಿರಿಯ ಅಧಿಕಾರಿಗಳ ನಿರ್ದೇಶನದಂತೆ ದಾಳಿ ನಡೆಸಿದಾಗ ಮಾಲೀಕರು ಮನೆಯಲ್ಲಿ ಇರಲಿಲ್ಲ. ‘ಮಾಲೀಕರು ತಮಗೆ ದುಡಿದ ವೇತನ ಹಣ ನೀಡಲು ತಂದಿದ್ದಾರೆ. ಊರಿನಿಂದ ಬಂದು ವೇತನ ನೀಡುವುದಾಗಿ ಹೇಳಿದರು. ಹಾಗಾಗಿ ಈ ಹಣ ತಮಗೆ ಸೇರಿದ್ದು’ ಎಂದು ಮನೆಯ ಕೆಲಸಗಾರರಾದ ಕುಪ್ಪಮ್ಮ, ಮಾನಯ್ಯ, ವಿರೇಶ, ಜಾಫರ್‌ ಮಾಹಿತಿ ನೀಡಿದರು.

‘ಹಿರಿಯ ಅಧಿಕಾರಿಗಳ ಮಾಹಿತಿ ಮೇರೆಗೆ ದಾಳಿ ನಡೆದಿದ್ದು ₹ 1.60 ಲಕ್ಷ ಹಣ ಸಿಕ್ಕಿದೆ. ಮಾಲೀಕರು ದೂರವಾಣಿ ಮೂಲಕ ಈ ಹಣಕ್ಕೆ ಅಗತ್ಯ ದಾಖಲೆ ನೀಡುವುದಾಗಿ ತಿಳಿಸಿದ್ದಾರೆ. ದಾಖಲೆ ಪರಿಶೀಲನೆ ನಂತರ ಮುಂದಿನ ಕ್ರಮ ಕೈಗೊಳ್ಳಲಾಗುವುದು’ ಎಂದು ಜಾಗೃತ ದಳದ ಮುಖ್ಯಸ್ಥ ಮಲ್ಲೇಶ ಅಕ್ಕರಕಿ ಸ್ಪಷ್ಟಪಡಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry