ಕೆಲವರಿಗೆ ಎಲ್ಲಾದರೂ ಪ್ರಯಾಣಕ್ಕೆ ಹೊರಟರೆ ಸಾಕು ವಾಂತಿ, ತಲೆಸುತ್ತು ಇದ್ದಕ್ಕಿದ್ದಂತೆ ಆರಂಭವಾಗಿಬಿಡುತ್ತದೆ. ಆ ಪ್ರವಾಸ ಚಿಕ್ಕದಿರಲಿ, ದೊಡ್ಡದಿರಲಿ ಈ ಗೋಳು ತಪ್ಪಿದ್ದಲ್ಲ. ಈ ಸಮಸ್ಯೆಯಿಂದಾಗಿ ಹೊರಗೆ ಸುತ್ತುವ ಬಯಕೆಯನ್ನು ಅದುಮಿಟ್ಟುಕೊಳ್ಳುವವರೇ ಹೆಚ್ಚು.
ಪ್ರಯಾಣದ ಸಂದರ್ಭದಲ್ಲಿ ಉಂಟಾಗುವ ಇಂಥ ಕಿರಿಕಿರಿಗಳಿಗೆ ‘ಟ್ರಾವೆಲ್ ಸಿಕ್ನೆಸ್’ ಅನ್ನುತ್ತಾರೆ.
ಕಣ್ಣಿನ ಮೂಲಕ ಗ್ರಹಿಸಿದ ದೃಶ್ಯಗಳನ್ನು ಮಿದುಳು ಸಂಸ್ಕರಿಸಿ ಕಿವಿಗೂ ರವಾನಿಸುತ್ತದೆ. ಈ ಸಂದೇಶಗಳಿಗೆ ದೇಹ ಸಕಾರಾತ್ಮಕವಾಗಿ ಸ್ಪಂದಿಸದಿದ್ದಾಗ ತಲೆನೋವು, ವಾಂತಿ, ತಲೆ ಸುತ್ತುವಿಕೆ ಕಾಣಿಸಿಕೊಳ್ಳುತ್ತದೆ.
ಟ್ರಾವೆಲ್ ಸಿಕ್ನೆಸ್ನಿಂದ ಪಾರಾಗಲು ಕೆಲ ಟಿಪ್ಸ್ಗಳು ಇಲ್ಲಿವೆ.
* ಬಸ್, ಕಾರಿನಲ್ಲಿ ಪ್ರಯಾಣಿಸುವ ಸಂದರ್ಭ ಬಂದಾಗ ಹಿಂದಿನ ಸೀಟಿನ ಬದಲು ಮುಂದಿನ ಸೀಟನ್ನೇ ಆಯ್ಕೆ ಮಾಡಿಕೊಳ್ಳಿ. ಇದರಿಂದ ತಾಜಾ ಗಾಳಿ, ಬೆಳಕು ದೇಹಕ್ಕೆ ಲಭಿಸುತ್ತದೆ.
* ಆದಷ್ಟು ಕಿಟಕಿ ಪಕ್ಕವೇ ಕುಳಿತುಕೊಳ್ಳಿ. ತಾಜಾ ಗಾಳಿಯು ವಾಂತಿಗೆ ಕಡಿವಾಣ ಹಾಕುತ್ತದೆ. ಮಿದುಳಿನ ಮೇಲೆಯೂ ಅಷ್ಟು ಒತ್ತಡ ಉಂಟಾಗದು.
* ಯಾವ ಕಾರಣಕ್ಕೂ ನಿದ್ದೆ ಮಾಡಬೇಡಿ. ಇದರಿಂದ ಪ್ರಯಾಣದ ಸುಸ್ತು ಹೆಚ್ಚುತ್ತದೆ.
* ದೀರ್ಘ ಪ್ರಯಾಣದ ಸಂದರ್ಭದಲ್ಲಿ ಹೆಚ್ಚು ಆಹಾರ ಸೇವಿಸಬೇಡಿ. ಹಸಿವಾದಾಗ ಮಾತ್ರ ತುಸು ಆಹಾರ ಸೇವಿಸಿ.
* ಪ್ರಯಾಣದ ಸಮಯದಲ್ಲಿ ಬಾಯಲ್ಲಿ ಚ್ಯೂಯಿಂಗ್ ಗಮ್, ಏಲಕ್ಕಿ, ಲವಂಗ ಅಗಿಯಿರಿ.
* ಮುಂಗೈಗೆ ಬ್ಯಾಂಡ್ ಕಟ್ಟಿಕೊಳ್ಳುವುದರಿಂದಲೂ ಟ್ರಾವೆಲ್ ಸಿಕ್ನೆಸ್ನಿಂದ ಸಮಸ್ಯೆಯಿಂದ ಪಾರಾಗಬಹುದು.