ನಾಗಪ್ಪ ಕುಟುಂಬ: ಎಚ್.ನಾಗಪ್ಪ ಅವರ ಕುಟುಂಬ 1967ರಿಂದಲೂ ಕ್ಷೇತ್ರದ ರಾಜಕೀಯದ ಮೇಲೆ ಬಲವಾದ ಹಿಡಿತ ಸಾಧಿಸಿದೆ. ಸ್ವಲ್ಪಕಾಲ ಬದಿಗೆ ಸರಿದಿದ್ದ ಇವರು 1994ರಲ್ಲಿ ಮತ್ತೆ ಶಾಸಕರಾಗಿ ಆಯ್ಕೆಯಾದರು. ನಂತರ, ವೀರಪ್ಪನ್ ಅಪಹರಣಕ್ಕೆ ಒಳಗಾಗಿ ದೇಶಾದ್ಯಂತ ಸುದ್ದಿಯಾದ ಇವರು, ಕೊನೆಗೆ ವೀರಪ್ಪನ್ ಹಾಗೂ ಆತನ ಸಹಚರರಿಂದಲೇ ಮೃತಪಟ್ಟರು. ನಂತರ ಅವರ ಪತ್ನಿ ಪರಿಮಳಾ ನಾಗಪ್ಪ 2004ರಲ್ಲಿ ಶಾಸಕರಾದರು. ಈಗ ಅವರ ಪುತ್ರ ಡಾ.ಪ್ರೀತನ್ ನಾಗಪ್ಪ ಬಿಜೆಪಿ ಟಿಕೆಟ್ ಪಡೆಯಲು ಕಸರತ್ತು ನಡೆಸಿದ್ದಾರೆ. ಈಗಾಗಲೇ ಚುನಾವಣಾ ಪ್ರಚಾರ ಆರಂಭಿಸಿದ್ದು, ಸ್ಪರ್ಧಿಸುವುದು ಬಹುತೇಕ ಖಚಿತ ಎನಿಸಿದೆ.