ಮಂಗಳವಾರ, ಜೂಲೈ 7, 2020
27 °C

ಚಿನ್ನದ ಆಸೆ ಕೈಚೆಲ್ಲಿದ ಭಾರತ ತಂಡ

ಪಿಟಿಐ Updated:

ಅಕ್ಷರ ಗಾತ್ರ : | |

ಚಿನ್ನದ ಆಸೆ ಕೈಚೆಲ್ಲಿದ ಭಾರತ ತಂಡ

ಗೋಲ್ಡ್ ಕೋಸ್ಟ್‌: ಅವಕಾಶಗಳನ್ನು ಬಳಸಿಕೊಳ್ಳಲು ವಿಫಲವಾದ ಭಾರತ ತಂಡ ನ್ಯೂಜಿಲೆಂಡ್‌ಗೆ ಮಣಿದು ಕಾಮನ್‌ವೆಲ್ತ್ ಕೂಟದ ಹಾಕಿಯಲ್ಲಿ ಚಿನ್ನದ ಆಸೆ ಕೈಚೆಲ್ಲಿತು.

ವಿಶ್ವ ಕ್ರಮಾಂಕದಲ್ಲಿ ತನಗಿಂತ ಕೆಳಗಿನ ಸ್ಥಾನ ಹೊಂದಿರುವ ನ್ಯೂಜಿ ಲೆಂಡ್ ವಿರುದ್ಧ ಶುಕ್ರವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ 2–3ರಿಂದ ಸೋತಿತು.

ಒಟ್ಟು ಒಂಬತ್ತು ಪೆನಾಲ್ಟಿ ಕಾರ್ನರ್ ಅವಕಾಶಗಳ ಪೈಕಿ ಎಂಟನ್ನು ಸಮರ್ಪಕವಾಗಿ ಬಳಸಿಕೊಳ್ಳುವಲ್ಲಿ ಮನ್‌ಪ್ರೀತ್ ಸಿಂಗ್ ಬಳಗ ವಿಫಲ ವಾಯಿತು. ಭಾರತದ ರಕ್ಷಣಾ ವಿಭಾಗದ ವೈಫಲ್ಯವೂ ಸೋಲಿಗೆ ಪ್ರಮುಖ ಕಾರಣವಾಯಿತು. ಕಳೆದ ಎರಡು ಕೂಟಗಳಲ್ಲಿ ಬೆಳ್ಳಿ ಗೆದ್ದಿದ್ದ ಭಾರತ ತಂಡ ಈ ಬಾರಿ ಕಂಚಿನ ಪದಕಕ್ಕಾಗಿ ಸೆಣಸಲಿದೆ.

ಹ್ಯೂಗೊ ಇಂಗ್ಲಿಸ್‌, ಸ್ಟೀಫನ್ ಜೆನಿಸ್ ಮತ್ತು ಮಾರ್ಕಸ್ ಚೈಲ್ಡ್‌ ನ್ಯೂಜಿಲೆಂಡ್ ಪರ ಗೋಲು ಗಳಿಸಿದರೆ ಭಾರತಕ್ಕೆ ಎರಡೂ ಗೋಲುಗಳನ್ನು ಹರ್ಮನ್‌ ಪ್ರೀತ್ ಸಿಂಗ್ ಗಳಿಸಿಕೊಟ್ಟರು.

ನ್ಯೂಜಿಲೆಂಡ್‌ನ ರಕ್ಷಣಾ ಗೋಡೆ ಕೆಡವಲು ನಿರಂತರ ಪ್ರಯತ್ನ ನಡೆಸಿದ ಭಾರತ ಯಶಸ್ಸು ಕಾಣಲಿಲ್ಲ. ನ್ಯೂಜಿಲೆಂಡ್‌ ಮೊದಲ ಎರಡು

ಕ್ವಾರ್ಟರ್‌ಗಳಲ್ಲಿ ಎರಡು ಗೋಲು ಗಳಿಸಿತ್ತು. ಎರಡನೇ ಕ್ವಾರ್ಟರ್‌ನಲ್ಲಿ ಒಂದು ಪೆನಾಲ್ಟಿ ಕಾರ್ನರ್ ಆ ತಂಡಕ್ಕೆ ಲಭಿಸಿತ್ತು. ಆದರೆ ಗೋಲ್‌ಕೀಪರ್ ಶ್ರೀಜೇಶ್ ಅದನ್ನು ವಿಫಲಗೊಳಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.