ತನ್ನ ಫಸ್ಟ್ಲುಕ್ನ ಪೋಸ್ಟರ್ನಿಂದಲೇ ಗಮನ ಸೆಳೆದಿದ್ದ ‘ಬಕೆಟ್ ಲಿಸ್ಟ್’, ಈಗ ಟೀಸರ್ ಮೂಲಕ ಚಿತ್ರದ ಕುರಿತು ಮತ್ತಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಎರಡು ಮಕ್ಕಳ ತಾಯಿಯಾಗಿ ಕಾಣಿಸಿಕೊಂಡಿರುವ ಮಾಧುರಿಯ ಸೌಂದರ್ಯ ಇನ್ನೂ ಮುಕ್ಕಾಗಲಿಲ್ಲ ಎಂಬುದನ್ನು ಚಿತ್ರದ ಟ್ರೇಲರ್ ಹೇಳುತ್ತದೆ. ನಗುಮೊಗದ ತಾಯಿಯಾಗಿ, ಹೆಂಡತಿಯಾಗಿ ಯುವಜನರ ಜತೆ ಲವಲವಿಕೆಯಿಂದ ನಟಿಸಿರುವ ಮಾಧುರಿಯ ತುಂಟತನದ ನಗು ಮೋಡಿ ಮಾಡುವಂತಿದೆ. ಈ ಸಿನಿಮಾದ ಪಾತ್ರಕ್ಕಾಗಿ ಮಾಧುರಿ ಬೈಕ್ ರೈಡಿಂಗ್ ಕಲಿತಿದ್ದಾರೆ. ತಲೆಗೆ ಹೆಲ್ಮೆಟ್, ಮೈಗೆ ಕಪ್ಪು ಜಾಕೆಟ್ ಹಾಕಿಕೊಂಡು ರ್ಯಾಂಬೊ ಲುಕ್ನಲ್ಲಿ ಮಾಧುರಿ ಹೆಂಗಳೆಯರ ಮನ ಕದ್ದಿದ್ದಾರೆ.