ಉಪ ತಹಶೀಲ್ದಾರ್ ಮದುವೆಯಲ್ಲಿ ಮತದ ಮಾತು

5

ಉಪ ತಹಶೀಲ್ದಾರ್ ಮದುವೆಯಲ್ಲಿ ಮತದ ಮಾತು

Published:
Updated:
ಉಪ ತಹಶೀಲ್ದಾರ್ ಮದುವೆಯಲ್ಲಿ ಮತದ ಮಾತು

ಹಗರಿಬೊಮ್ಮನಹಳ್ಳಿ: ಇಲ್ಲಿನ ಪಂಚಮಸಾಲಿ ಕಲ್ಯಾಣ ಮಂಟಪದಲ್ಲಿ ಭಾನುವಾರ ಕಡ್ಡಾಯ ಮತದಾನದ  ಚರ್ಚೆ ನಡೆಯಿತು.  ಮದುವೆಗೆ ಬಂದವರಿಗೆ ನವದಂಪತಿ ವೋಟ್‌ ಹಾಕುವಂತೆ ಮನವಿ ಮಾಡಿದರು.

ಪಟ್ಟಣದ ಉಪ ತಹಶೀಲ್ದಾರ್ ಎಚ್.ನಾಗರಾಜ್‌ ಅವರು ಪೂಜಾ ಅವರೊಂದಿಗೆ ಮತದಾನದ ಜಾಗೃತಿ ಮೂಡಿಸುವ ಮೂಲಕ ಸಪ್ತಪದಿ ತುಳಿದರು.

ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸುವಂತೆ ಜನರಿಗೆ ಮದುವೆ ಪ್ರೇರಣೆ ನೀಡಿತು. ಇವಿಎಂ, ವಿವಿಪ್ಯಾಟ್ ಮಾಹಿತಿಯನ್ನೂ ಸಭಾಂಗಣದ ಹೊರಗೆ ನೀಡಲಾಯಿತು.

ಮೈಕ್ ಹಿಡಿದು ಮಾತನಾಡಿದ ಮದುಮಗ, ‘ಎಲ್ಲರೂ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಿ, ಪ್ರಜಾಪ್ರಭುತ್ವ ಗಟ್ಟಿಗೊಳಿಸಬೇಕು. ಹಕ್ಕು ಚಲಾಯಿಸಿ ಜನಪ್ರತಿನಿಧಿಯನ್ನು ಆಯ್ಕೆಮಾಡಬೇಕು ಎಂದರು.

ವಧು ಪೂಜಾ ನಗುಮೊಗದೊಂದಿಗೆ ಪತಿ ಹೇಳಿದ ಮಾತುಗಳಿಗೆ ಸಮ್ಮತಿ ಸೂಚಿಸಿದರು. ಮದುವೆಗೆ ಬಂದವರಿಗೆ ಮತದಾನ ಜಾಗೃತಿ ಮೂಡಿಸುವ ಕರಪತ್ರಗಳನ್ನು ವಿತರಿಸಲಾಯಿತು.

ತಹಶೀಲ್ದಾರ್ ಎಸ್‌.ಮಹಾಬಲೇಶ್ವರ, ನೀತಿ ಸಂಹಿತೆ ಪಾಲನೆ ತಂಡದ ಮುಖ್ಯಸ್ಥ ಬಿ.ಮಲ್ಲಾನಾಯ್ಕ, ಲೆಕ್ಕಪತ್ರ ಉಪ ವೀಕ್ಷಕ ಡಕಣಾನಾಯ್ಕ, ಸಿಬ್ಬಂದಿ ಸಿ.ಎಂ.ಗುರುಬಸವರಾಜ,ಆಸೀಫ್ ಅಲಿ, ಚೇತನ್, ಶಿವಕುಮಾರಗೌಡ ಸೇರಿದಂತೆ ತಾಲ್ಲೂಕು ಮಟ್ಟದ ಅಧಿಕಾರಿಗಳು ವಿವಾಹಕ್ಕೆ ಸಾಕ್ಷಿಯಾದರು.

**

ಹಗರಿಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರದಲ್ಲಿ ದಾಖಲೆ ಮತದಾನ ಆಗಬೇಕು. ಎಲ್ಲರೂ ತಪ್ಪದೇ ಮತದಾನ ಮಾಡಬೇಕು. ಅದಕ್ಕಾಗಿಯೇ ಮದುವೆಯಲ್ಲಿ ಈ ವಿನೂತನ ಪ್ರಯತ್ನ

– ಎಚ್‌.ನಾಗರಾಜ, ವರ

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry