ದೇಶದಲ್ಲಿ 1,800 ಎಟಿಎಂ ಬಂದ್‌
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ವೆಚ್ಚ ಕಡಿತ ಕ್ರಮಗಳ ಭಾಗವಾಗಿ ಕಳೆದ ಎಂಟು ತಿಂಗಳಲ್ಲಿ 1,800ಕ್ಕೂ ಹೆಚ್ಚು ಎಟಿಎಂಗಳನ್ನು ಬ್ಯಾಂಕುಗಳು ಮುಚ್ಚಿವೆ.
ಭಾರತೀಯ ರಿಸರ್ವ್‌ ಬ್ಯಾಂಕ್‌ ಮಾಹಿತಿಯ ಪ್ರಕಾರ, 2018ರ ಫೆಬ್ರುವರಿ ಕೊನೆ ಹೊತ್ತಿಗೆ ದೇಶದಲ್ಲಿ ಇದ್ದ ಎಟಿಎಂಗಳ ಸಂಖ್ಯೆ 2,06,659. 2017ರ ಜೂನ್‌ ಹೊತ್ತಿಗೆ 2,08,477 ಎಟಿಎಂಗಳು ಇದ್ದವು. ಅಂದರೆ, ಕಳೆದ ಜುಲೈಯಿಂದ 1,817 ಎಟಿಎಂ ಕಮ್ಮಿಯಾಗಿವೆ.
ಎಟಿಎಂಗಳ ಸಂಖ್ಯೆ ಕಡಿಮೆಯಾಗಿದ್ದರೂ ಎಟಿಎಂ ಮೂಲಕ ನಡೆಯುವ ವಹಿವಾಟು ಕಡಿಮೆಯಾಗಿಲ್ಲ, ಬದಲಿಗೆ ಹೆಚ್ಚಾಗಿದೆ. ಈ ಎಂಟು ತಿಂಗಳಲ್ಲಿ, ಸರಾಸರಿ ತಿಂಗಳ ವಹಿವಾಟು ಪ್ರಮಾಣ ಶೇ 7.6ರಷ್ಟು ಏರಿಕೆಯಾಗಿದೆ. ಎಟಿಎಂ ಸಂಖ್ಯೆ ಕಡಿಮೆ ಮಾಡುವ ಮೂಲಕ ಲಾಭ ಹೆಚ್ಚಿಸುವತ್ತ ಬ್ಯಾಂಕುಗಳು ಗಮನ ಹರಿಸಿವೆ ಎಂದು ಪರಿಣತರು ಹೇಳುತ್ತಾರೆ.
ಕರ್ನಾಟಕದಲ್ಲಿ, ಕಳೆದ ಆರು ತಿಂಗಳಲ್ಲಿ 120 ಎಟಿಎಂಗಳನ್ನು ಮುಚ್ಚಲಾಗಿದೆ. 2017ರ ಜೂನ್‌ ಹೊತ್ತಿಗೆ ರಾಜ್ಯದಲ್ಲಿ 16,907 ಎಟಿಎಂಗಳು ಇದ್ದವು. ಕಳೆದ ಡಿಸೆಂಬರ್‌ ಹೊತ್ತಿಗೆ ಅದು 16,787ಕ್ಕೆ ಇಳಿದಿದೆ. ದೇಶದಲ್ಲಿ ಅತಿ ಹೆಚ್ಚು ಎಟಿಎಂಗಳಿರುವ ನಾಲ್ಕನೇ ರಾಜ್ಯ ಕರ್ನಾಟಕ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
