‘ಟೆಂಡರ್ ವೋಟ್‌’ಗೂ ಅವಕಾಶ

‘ನನ್ನ ಮತವನ್ನು ಬೇರೊಬ್ಬ ವ್ಯಕ್ತಿ ಚಲಾಯಿಸಿದ್ದಾರೆ. ಆದ್ದರಿಂದ, ನನಗೆ ಮತ ಚಲಾಯಿಸಲು ಅವಕಾಶ ನೀಡಬೇಕು’ ಎಂದು ನೈಜ ಮತದಾರ ಮನವಿ ಮಾಡಬಹುದು. ಚುನಾವಣೆ ಆಯೋಗ ಆತನಿಗೆ ಮತಪತ್ರದ ಮೂಲಕ ಮತದಾನ ಮಾಡಲು ಅವಕಾಶ ಕಲ್ಪಿಸುತ್ತದೆ. ಆದರೆ, ಈ ಮತವನ್ನು ಆಯೋಗ ಸೀಲ್‌ ಮಾಡಿ ತನ್ನ ಸುಪರ್ದಿಯಲ್ಲಿ ಇಟ್ಟುಕೊಳ್ಳುತ್ತದೆ. ನ್ಯಾಯಾಲಯದ ಸೂಚನೆಯ ಮೇರೆಗೆ ಮಾತ್ರ ತೆರೆಯಲಾಗುತ್ತದೆ. ಇದಕ್ಕೆ ‘ಟೆಂಡರ್‌ ವೋಟಿಂಗ್‌’ ಎಂದು ಕರೆಯಲಾಗುತ್ತದೆ.

ಚಾಲೆಂಜಿಂಗ್‌ಗೂ ಅವಕಾಶ ಇದೆ: ಮತದಾರನ ಚಹರೆ ಗುರುತಿನ ಚೀಟಿಗೆ ಹೋಲಿಕೆ ಆಗದಿದ್ದರೆ, ಮತಗಟ್ಟೆಯ ಬೂತ್‌ ಏಜೆಂಟ್‌ಗಳು ತಕರಾರು ಎತ್ತಬಹುದು. ಆಗ ಚುನಾವಣಾಧಿಕಾರಿ ಅದನ್ನು ಪರಿಶೀಲನೆಗೆ ಒಳಪಡಿಸಬಹುದು ಎಂದೂ ಆಯೋಗದ ಅಧಿಕಾರಿಗಳು ತಿಳಿಸಿದ್ದಾರೆ.