7

ಜಿಲ್ಲೆಯಲ್ಲಿ 1,438 ಮತಗಟ್ಟೆ

Published:
Updated:

ಕಾರವಾರ: ಚುನಾವಣೆಯ ಹಿನ್ನೆಲೆಯಲ್ಲಿ ಜಿಲ್ಲಾ ಪೊಲೀಸ್ ಇಲಾಖೆಯು ಜಿಲ್ಲೆಯ 1,438 ಮತಗಟ್ಟೆಗಳನ್ನು 114 ವಲಯಗಳನ್ನಾಗಿ ವಿಂಗಡಿಸಿಕೊಂಡಿದೆ.

ಪ್ರತಿ ವಲಯಕ್ಕೆ ಪಿ.ಎಸ್.ಐ ಮತ್ತು ಎ.ಎಸ್.ಐ ದರ್ಜೆಯ ಅಧಿಕಾರಿಗಳನ್ನು ವಲಯ ಅಧಿಕಾರಿಗಳನ್ನಾಗಿ ನೇಮಕ ಮಾಡಲಾಗಿದೆ. ಅವರಿಗೆ 20 ಪೊಲೀಸ್ ಇನ್‌ಸ್ಪೆಕ್ಟರ್ ದರ್ಜೆಯ ಅಧಿಕಾರಿಗಳನ್ನು ಉಸ್ತುವಾರಿ ಅಧಿಕಾರಿಯನ್ನಾಗಿ ನೇಮಿಸಲಾಗಿದೆ.

11 ತಾಲ್ಲೂಕುಗಳಲ್ಲಿ ಡಿ.ಎಸ್.ಪಿ ದರ್ಜೆಯ 10 ಅಧಿಕಾರಿಗಳನ್ನು ಉಸ್ತುವಾರಿ ಅಧಿಕಾರಿಯನ್ನಾಗಿ ಕರ್ತವ್ಯಕ್ಕೆ ನಿಯೋಜಿಸಲಾಗಿದೆ. ಆ ಮೂಲಕ ಬಿಗಿ ಭದ್ರತೆಯ ಪೊಲೀಸ್ ಬಂದೋಬಸ್ತ್‌ ಅನ್ನುಏರ್ಪಡಿಸಲಾಗಿದೆ. ಮತದಾರರು ಯಾವುದೇ ಭಯವಿಲ್ಲದೆ ಚುನಾವಣೆಯಲ್ಲಿ ಮುಕ್ತವಾಗಿ ಮತ ಚಲಾಯಿಸಬಹುದಾಗಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಯ ಪ್ರಕಟಣೆ ತಿಳಿಸಿದೆ.

₹ 40.29 ಲಕ್ಷ ವಶಕ್ಕೆ: ಜಿಲ್ಲೆಯಲ್ಲಿ ಪರವಾನಗಿ ಹೊಂದಿದ 8,351 ಬಂದೂಕುಗಳಲ್ಲಿ 8,289 ಅನ್ನು ಈವರೆಗೆ ಜಮಾ ಮಾಡಿಕೊಳ್ಳಲಾಗಿದೆ. 14 ನೀತಿ ಸಂಹಿತೆ ಉಲ್ಲಂಘನೆ ಪ್ರಕರಣಗಳು ದಾಖಲಾಗಿದ್ದು, ₹ 40.29 ಲಕ್ಷ ನಗದನ್ನು ವಶಪಡಿಸಿಕೊಳ್ಳಲಾಗಿದೆ. ಅಬಕಾರಿ ಕಾಯ್ದೆ ಅಡಿಯಲ್ಲಿ 20 ಪ್ರಕರಣಗಳನ್ನು ದಾಖಲಿಸಿ 467.60 ಲೀ. ಮದ್ಯವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿಸಿದೆ. ಹತ್ತು ಡಿ.ಎಸ್.ಪಿ, 20 ಪೊಲೀಸ್ ಇನ್‌ಸ್ಪೆಪೆಕ್ಟರ್‌ಗಳು, 29 ಪಿ.ಎಸ್.ಐ, 600 ಗೃಹ ರಕ್ಷಕರು, 70 ಅರಣ್ಯ ರಕ್ಷಕರು, 3 ಕೆ.ಎಸ್.ಆರ್.ಪಿ, 12 ಡಿ.ಎ.ಆರ್: 12 ತುಕಡಿಗಳು, 18 ಕೇಂದ್ರ ಸಶಸ್ತ್ರ ಪಡೆ ಮತ್ತು 1500 ಪೊಲೀಸ್ ಸಿಬ್ಬಂದಿ ಕರ್ತವ್ಯಕ್ಕೆ ನಿಯೋಜಿಸಲಾಗಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry