ಮಲ್ಲಿಕಾ ಶೆರಾವತ್ ಅಂದ ಕೂಡಲೇ ನೆನಪಾಗಲಿಕ್ಕಿಲ್ಲ. ಆದರೆ ಮರ್ಡರ್‌ ಚಿತ್ರದ ಚುಂಬಕ ನಾಯಕಿ ಎಂದರೆ ಕೂಡಲೇ ನೆನಪಾಗಬಹುದು. ಈ ವರ್ಷದ ಆರಂಭದಲ್ಲಿ ಫ್ರಾನ್ಸ್‌ನಲ್ಲಿ ಮನೆ ಬಾಡಿಗೆ ಕಟ್ಟದೇ ಇರುವುದರಿಂದ ಅಲ್ಲಿಯ ನ್ಯಾಯಾಲಯವು ಮನೆ ಖಾಲಿ ಮಾಡಲು ಆದೇಶಿಸಿತ್ತು. ತನ್ನ ಫ್ರೆಂಚ್‌ ಪತಿಯೊಂದಿಗೆ ಮನೆ ಖಾಲಿ ಮಾಡಿದ ಸುದ್ದಿ ಬಾಲಿವುಡ್‌ನ ಅಂಗಳದಲ್ಲೆಲ್ಲ ಹರಿದಾಡಿತ್ತು. ಅದಾದ ನಂತರ ಮಲ್ಲಿಕಾ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು, ಕಾನ್ಸ್‌ ಉತ್ಸವದಲ್ಲಿಯೇ. ಈ ಉತ್ಸವದಲ್ಲಿ ಈ ವರ್ಷ ಆದಷ್ಟೂ ಕಡಿಮೆ ಮೇಕಪ್‌ ಮತ್ತು ಸರಳ ಉಡುಗೆಯಿಂದ ಮಲ್ಲಿಕಾ ರೆಡ್‌ಕಾರ್ಪೆಟ್‌ ಮೇಲೆ ಹೆಜ್ಜೆಹಾಕಿದ್ದಾರೆ.
