ತೀರಾ ಅಚ್ಚರಿಗೆ ಕಾರಣವಾಗಿದ್ದು ಎಂದರೆ ಜೆಡಿಎಸ್ ಅಭ್ಯರ್ಥಿ ಮಂಜುನಾಥ್ ಅವರ ಮತಗಳಿಕೆಯ ಪ್ರಮಾಣ. 44,957 ಮತಗಳನ್ನು ಪಡೆಯುವ ಮೂಲಕ ಕ್ಷೇತ್ರದಲ್ಲಿ ಜೆಡಿಎಸ್ ಇನ್ನೂ ಜೀವಂತ ಇದೆ ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಇವರು ಪಡೆದ ಮತಗಳು ಕಳೆದ ಬಾರಿ 2ನೇ ಸ್ಥಾನ ಪಡೆದಿದ್ದ ಪರಿಮಳಾ ನಾಗಪ್ಪ (44,135) ಅವರು ಪಡೆದ ಮತಗಳಿಗಿಂತ ಅಧಿಕ ಎಂಬುದು ಗಮನಿಸಬೇಕಾದ ಅಂಶ. ಕ್ಷೇತ್ರಕ್ಕೆ ಚುನಾವಣೆ ನಡೆಯುವ ಕೇವಲ 20 ದಿನಗಳ ಹಿಂದೆಯಷ್ಟೇ ಬಂದು, ಪ್ರಚಾರ ನಡೆಸಿ ಕ್ಷೇತ್ರದ ಜನರ ವಿಶ್ವಾಸ ಗಳಿಸುವಲ್ಲಿ ಇವರು ಸಫಲರಾಗಿದ್ದಾರೆ.