ಪ್ರಬುದ್ಧ ಮತದಾರರು

ಇಲ್ಲಿನ ಬಹುಪಾಲು ಮತದಾರರು ಪೂರ್ವಗ್ರಹದ ಪೀಡೆಗೆ ಸುಲಭವಾಗಿ ಬಲಿಬೀಳರು. ಚಿಲ್ಲರೆ ಕಾಸು-ಕೊಡುಗೆಗಳ ಆಮಿಷವೂ ಹೆಚ್ಚಿಗೆ ನಡೆಯದು. ಸರಿ-ತಪ್ಪು, ಒಳಿತು-ಕೆಡುಕುಗಳ ಆಯ್ಕೆ ಅವರಿಗೆ ಗೊತ್ತು. ಸಾರ್ವತ್ರಿಕ ಅಪಚಾರಗಳಿಗೆ ಸಮಯ ಬಂದಾಗ ಅವರು ತಕ್ಕ ಉತ್ತರ ಕೊಡಬಲ್ಲರು.

ಮುಖ್ಯಮಂತ್ರಿಯ ಉಡಾಫೆ ಧೋರಣೆ ಕಾಂಗ್ರೆಸಿನ ಕೆಲವು ಸ್ಥಾನಗಳನ್ನು ಬಲಿ ತೆಗೆದುಕೊಂಡಿರಬಹುದು. ಹಾಗಂತ ಈ ಆಡಳಿತ ವಿರೋಧಿ ಅಲೆ ಕುರುಡು-ಕುರುಡಾಗಿ ಬಿಜೆಪಿಯತ್ತ ವಾಲಿಕೊಂಡಿಲ್ಲ. ಹದ ಅರಿತೇ ಜೆಡಿಎಸ್‌ ಅನ್ನು ಜನ ಬೆಂಬಲಿಸಿದ್ದಾರೆ. ರಾಜ್ಯಪಾಲರ ನಡಾವಳಿಯನ್ನು ವಿಮರ್ಶಿಸುವ ಬೌದ್ಧಿಕ ಸಾಮರ್ಥ್ಯವನ್ನೂ ಇಲ್ಲಿನ ಜನರು ಹೊಂದಿದ್ದಾರೆ.

ಆರ್. ಕೆ. ದಿವಾಕರ, ಬೆಂಗಳೂರು