ಶುಕ್ರವಾರ, ಫೆಬ್ರವರಿ 26, 2021
31 °C

ಫೇಸ್‌ಬುಕ್‌ನಲ್ಲಿ ಸಕ್ರಿಯ ನಟ ಅಮಿತಾಭ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಫೇಸ್‌ಬುಕ್‌ನಲ್ಲಿ ಸಕ್ರಿಯ ನಟ ಅಮಿತಾಭ್‌

ಬಾಲಿವುಡ್‌ನ ಖ್ಯಾತನಟರಾದ ಅಮಿತಾಭ್‌ ಬಚ್ಚನ್‌, ಸಲ್ಮಾನ್‌ ಖಾನ್‌, ಶಾರುಖ್‌ ಖಾನ್‌, ರಣವೀರ್‌ ಸಿಂಗ್‌ ಹಾಗೂ ಅಕ್ಷಯ್‌ ಕುಮಾರ್‌ ಸೇರಿದಂತೆ ಹಲವು ಭಾರತೀಯ ನಟರು ಫೇಸ್‌ಬುಕ್‌ನಲ್ಲಿ ಸಕ್ರಿಯರಾಗಿದ್ದಾರೆ. ಆದರೆ ಇದರಲ್ಲಿ ಅತಿ ಹೆಚ್ಚು ಸಕ್ರಿಯರಾಗಿರುವ ನಂಬರ್‌-1 ನಟ ಯಾರು ಗೊತ್ತೇ?

ದ ಸ್ಕೋರ್‌ ಟ್ರೆಂಡ್‌ ಇಂಡಿಯಾ ಪ್ರಕಾರ, ಫೇಸ್‌ಬುಕ್‌ನಲ್ಲಿ ಅತಿ ಹೆಚ್ಚು ಸಕ್ರಿಯರಾಗಿರುವ ನಟರ ಪೈಕಿ ಮೆಗಾಸ್ಟಾರ್‌ ಅಮಿತಾಭ್‌ ಬಚ್ಚನ್‌ ಅಗ್ರಸ್ಥಾನದಲ್ಲಿದ್ದಾರೆ ಎಂದು ತಿಳಿಸಿದೆ. ದ ಸ್ಕೋರ್‌ ಟ್ರೆಂಡ್‌ ಇಂಡಿಯಾ ಈ ವಿಚಾರವನ್ನು ತಿಳಿಸಿದ್ದು, ಅಮಿತಾಭ್‌ ಬಚ್ಚನ್‌ 100 ಪಾಯಿಂಟ್‌ಗಳನ್ನು ಪಡೆದು ಮೊದಲ ಸ್ಥಾನ ಪಡೆದಿದ್ದಾರೆ. ಅವರ ಫೇಸ್‌ಬುಕ್‌ ಪುಟವನ್ನು 3 ಕೋಟಿಗಿಂತಲೂ ಹೆಚ್ಚು ಜನರು ಫಾಲೋ ಮಾಡುತ್ತಾರೆ.

ಸಲ್ಮಾನ್‌ 95 ಪಾಯಿಂಟ್‌ ಪಡೆದು ಎರಡನೇ ಸ್ಥಾನ, ಶಾರುಖ್‌ ಖಾನ್‌ 68 ಅಂಕ ಹಾಗೂ ರಣವೀರ್‌ ಸಿಂಗ್‌ 52 ಅಂಕ ಪಡೆದು ಮೂರು ಹಾಗೂ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಇನ್ನು ಅಕ್ಷಯ್‌ ಕುಮಾರ್‌ ಪಡೆದ ಪಾಯಿಂಟ್‌ 49.

‘ಅಮಿತಾಭ್‌ ಬಚ್ಚನ್‌ ಅವರು ಪೋಸ್ಟ್‌ಗಳನ್ನು ಹಾಕುತ್ತಾ, ಅವರ ಅಧಿಕೃತ ಫೇಸ್‌ಬುಕ್‌ ಪುಟದಲ್ಲಿ ಸಕ್ರಿಯರಾಗಿರುತ್ತಾರೆ. ಇದು ಅಮಿತಾಭ್‌ ಬಚ್ಚನ್‌ ಅವರ ಖ್ಯಾತಿಯನ್ನು ಹೆಚ್ಚಿಸಿದೆ’ ಎಂದು ಸ್ಕೋರ್‌ ಟ್ರೆಂಡ್‌ನ ಸಹಸ್ಥಾಪಕ ಅಶ್ವನಿ ಕೌಲ್‌ ತಿಳಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.